17.12.2025 | 14:50
Նոտարական գործարքներ՝ թվային միջավայրում․ ինչ փոփոխություններ են սպասվում Կադաստրի կոմիտեում․ ՏԵՍԱՆՅՈՒԹ
Մի պաշտոնյա ստիպված է մեկնել արտասահման՝ հոր առողջական խնդրի համար գումար վաստակելու․ Լենա Նազարյան. ՏԵՍԱՆՅՈՒԹ
Քաղաքականություն
14.04.2020 | 18:16
ԱԺ փոխնախագահ, «Իմ քայլը» խմբակցության պատգամավոր Լենա Նազարյանը այսօր Ազգային ժողովի նիստում ունեցած ելույթում անդրադարձավ պաշտոնյաների պարգևավճարների վերաբերյալ խոսակցություններին:
Ըստ Նազարյանի՝ բոլորի, այդ թվում՝ ուսուցիչների, բուժաշխատողների, իրավապահների և այլոց աշխատավարձի բարձրացումը ամենաարդար մոտեցումն է, սակայն այս պահին Կառավարությունը կադրային քաղաքականության հարց է լուծում, որի նպատակը բոլորի բարեկեցությունն է:
«Մի օրինակ բերեմ՝ առանց անուններ տալու. մի պաշտոնյա, որի աշխատանքի արդյունքում է նաև վերջին 2 տարում ավելացել համայնքային բյուջեն, մանկապարտեզների դաստիարակների աշխատավարձերը, հարազատ հոր առողջական խնդիրների լուծման նպատակով ստիպված է մեկնել արտասահման՝ գումար վաստակելու: Կասեք, բայց շատ մարդիկ կան, որոնք հարազատների կարիքների համար արտագնա աշխատանքի են մեկնում։ Այո՛, բայց ո՞վ պետք է նպաստի այլոց խնդիրների ինստիտուցիոնալ լուծմանը, եթե ոչ հենց այդ նույն այդ պաշտոնյան, կամ ո՞վ պետք է մշակի ու կյանքի կոչի համընդհանուր առողջապահական ապահովագրության համակարգը, որպեսզի ոչ ոք իր ծնողների կամ զավակների կյանքի և առողջության փրկության համար չմեկնի արտագնա աշխատանքի, կամ չվաճառի վերջին ունեցածը. կրկին համապատասխան գերատեսչության պետական պաշտոնյաները՝ այս դեպքում առողջապահական համակարգի, ուրեմն մենք չենք կարող թույլ տալ, որ այս հիմնարկներում աշխատողներն ամեն պատահարի բերումով թողնեն քաղաքականության մշակումն ու իրագործումը և դուրս գան իրենց անձնական հրատապ հոգսերը հոգալու համար»,- նշեց ԱԺ փոխխոսնակը:
Մանրամասները՝ տեսանյութում:
