04.05.2024 | 11:55
Նավթի գները նվազել են
«Գազպրոմ»-ի հայտը պետք է անմիջապես մերժվի, գազի գինը բարձրացնելու ժամանակը չէ. Միքայել Մելքումյան. ՏԵՍԱՆՅՈՒԹ
Տնտեսություն
14.04.2020 | 17:54
Հայաստանը պետք է արագացնի բանակցությունները ռուսական «Գազպրոմի» հետ՝ սահմանին գազի գինը նվազեցնելու վերաբերյալ, իսկ ՀԾԿՀ-ն պետք է անմիջապես մերժի գազի թանկացման հայտը, քանի որ հիմա դրա ժամանակը չէ։ Այս մասին այսօր Ազգային ժողովում ունեցած ելույթում հայտարարեց «Բարգավաճ Հայաստան» խմբակցության պատգամավոր Միքայել Մելքումյանը։
«Սա այն ժամանակը չէ, որ մենք կարողանանք մեր բնակչության համար գազի սակագները բարձրացնել։ Դա պետք է հրատապ մերժել։ Բայց զուգահեռ պետք է գնան այդ բանակցությունները, որպեսզի մենք սահմանի վրա գազի գինը իջեցնենք։ Ամբողջ աշխարհում գազի գինը, նավթի գնի հետ միասին, իջել է, այլ բան է, որ մենք բանաձևի շուրջ պետք է բանակցենք՝ գնում ենք ֆիքսված գնո՞վ, թե՞ համապատասխան բանաձևով»,- ասաց Մելքումյանը։
Պատգամավորն ընդգծեց սահմանին սննդամթերքի, դեղորայքի ու դրանց հումքերի ԱԱՀ-ն հետաձգելու կարևորությունը։
Մանրամասները՝ տեսանյութում։
