«Դիալիզով հիվանդ երեխես աչքիս դեմը մեռնում ա, տաքսու փող չունեմ հիվանդանոց հասցնեմ»․ տարեց կինը օգնություն է խնդրում

Լուրեր

21.11.2026 | 12:16
NYMEX. Թանկարժեք մետաղների գները նվազել են
21.11.2026 | 11:55
Նարեկ Մկրտչյանը հանդիպել է ԱՄՆ Կոնգրեսի Ներկայացուցիչների պալատի երեք անդամների հետ
21.11.2026 | 11:42
Total Chess. Հայկ Մարտիրոսյանը հաղթել է վերջին խաղային օրը
21.11.2026 | 11:33
Նավթի գները նվազել են
21.11.2026 | 11:11
Արտարժույթների փոխարժեքները՝ նոյեմբերի 21-ի դրությամբ
21.11.2026 | 10:50
Նարեկ Մկրտչյանը մասնակցել է Մելանիա Թրամփի վավերագրական շարքի համաշխարհային պրեմիերային
21.11.2026 | 10:25
Ամփոփիչ մրցաշարում հայտնի են կիսաեզրափակիչի զույգերը. ՏԵՍԱՆՅՈՒԹ
21.11.2026 | 10:15
ՀՀ տարածքում ավտոճանապարհները հիմնականում անցանելի են
21.11.2026 | 09:30
Դավիթ Սիմոնյանը հաղթել է նոկաուտով ու մեդալ ապահովել Մ-23 ԵԱ-ում. ՏԵՍԱՆՅՈՒԹ
21.11.2026 | 00:06
Էդուարդ Սպերցյանը մասնակցեց «Ալ Նասրի» նկատմամբ հաղթանակին. ՏԵՍԱՆՅՈՒԹ
20.11.2026 | 23:39
Հայաստանը համերաշխություն է հայտնում Վրաստանին այս դժվարին պահին. Փաշինյան
20.11.2026 | 23:13
Հայաստանն ու Ալբանիան քննարկվել են տնտեսական համագործակցության խորացման հեռանկարները
20.11.2026 | 23:00
Լոռու մարզում գազանջատումներ կլինեն
20.11.2026 | 22:47
Թուրքական արտադրության Kizilelma անօդաչու կործանիչն աշխարհում առաջինն է անցել զինվորական ծառայության
20.11.2026 | 22:33
Վաղարշապատի կամրջի հարակից ճանապարհահատվածը ժամանակավորապես փակ կլինի երթևեկության համար
Բոլորը

Factor.am-ի խմբագրությանն է դիմել 67-ամյա Աթոյան Մարիամը, նա խնդրում է, որպեսզի իրենց երկանդամ ընտանիքին որևէ կերպ աջակցեն․ «Երեխես 36 տարեկան ա, պոչկաների խնդիր ունի, դիալիզի ա գնում Հանրապետական հիվանդանոց, երրորդ հարկ: Առաջ մի կերպ գոնե տրանսպորտով կարողանում էր հասնել, ժամանակին դեղերն ու բուժումը ստանալ, հիմա այս մեկ ամսվա ընթացքում տաքսիներից ենք օգտվել, սրանից-նրանից պարտքով փող խնդրել, բայց էլ չենք կարողանում։ Էսօր լսեցի, որ մի ամիս էլ տրանսպորտ չի լինելու, բա մենք ո՞նց ենք անելու։ Եթե էլի չգնա՝ ազոտը կլցվի, երեխես գիշերը խեղդվում էր, ինչքան կարող եմ հարևաններից պարտք անել, մեզ մահվան են դատապարտել հա՞»,- հուզված ասում էր կինը։

Կինը պատմեց, որ դստեր հետ ապրում են Արցախի փողոցներից մեկում, ասաց տան եկամուտը իր ու դստեր ստացած թոշակն է, որը միասին կազմում է մոտ 65 000:

«Ուտելիքի հարցը կարողանում ենք լուծել, բայց երեխայիս գնալ-գալու հարցը չգիտեմ ոնց է լինելու, եթե մի ամիս էլ են երկարացնելու, երեխես ո՞նց է անելու, երեխես աչքիս դեմը խեղդվում է, ազոտը բարձրանում է, չգիտենք ո՞նց անենք, ես էլ առողջական խնդիրներ ունեմ, ինքն էլ էդ վիճակում, այլևս չենք կարողանում ապրել»,- նշեց նա։

Նա նաև ասաց, որ 2000 թվականից իրենք ինչ-ինչ պատճառներով կորցրել են իրենց բնակարանը, հիմա վարձով են ապրում, բարեկամներ էլ չունեն, որպեսզի օգնության դիմեն։

Մենք զանգահարեցինք նաև հիվանդանոց, զրուցեցինք Հանրապետական հիվանդանոցի դիալիզի բաժանմունքի ավագ քույր՝ Սուսաննա Սամսոնյանի հետ։ Նա ասաց, որ իրենք նման խնդրով մոտ 80 հիվանդ ունեն, որոնք օր ու մեջ պետք է բժշկի գնան դիալիզի, նրանց թվում է նաև Գոհար Պետրոսյանը․ «Եթե մեկ օր անգամ չգան, դա կնշանակի մահկանացուն կնքել։ Այս հիվանդությամբ տառապող մարդիկ չեն կարողանում միզել, մենք օր ու մեջ իրենց արյունը չորս ժամով դիալիզ ենք անում, ավելացված հեղուկներն ու թույները մաքրում ենք։ Դրա համար դիալիզի չգալը նույնն է, թե մահկանացուդ կնքես»։

Խնդրի մասին տեղեկացրինք նաև վարչապետի խոսնակին։ Նա ասաց, որ կծանոթանան խնդրին և հնարավորության դեպքում կփորձեն աջակցության ուղիներ գտնել։

Լիլիթ Շաբոյան