16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Երեխաների տվյալների անվտանգությունն ապահովելու համար պետք է օր առաջ քայլեր ձեռնարկել․ Մխիթար Հայրապետյան. ՏԵՍԱՆՅՈՒԹ
Հասարակություն
09.04.2020 | 15:07
Այսօր «Հեռավար կրթության մարտահրավերներն ու հնարավորությունները արտակարգ դրության պայմաններում» առցանց լսումների ժամանակ ԱԺ գիտության, կրթության, մշակույթի, սփյուռքի, երիտասարդության և սպորտի հարցերի մշտական հանձնաժողովի նախագահ Մխիթար Հայրապետյանն անդրադարձավ քննարկման մասնակիցների մի շարք հարցադրումներին։
«Առաջին հիմնական խնդիրը, որ առանձնացրել եմ, աշակերտների սոցիալական կյանքն է, մարդկային շփումները իրենց ընկերների, ուսուցիչների հետ, որը, բնականաբար, առցանց կրթության ժամանակ դարձել է անհնարին։ Ինձ համար սկզբունքորեն ընդունելի չէ այն, որ առցանց կրթությունն ամբողջովին փոխարինի առկա կրթությունը։ Ես կրթությունը չեմ համարում միայն գիտելիքի փոխանցում։ Մեկ այլ մոտեցում է այն, որ դպրոցում, բայց ոչ մեկ լսարանի տակ, աշակերտները օգտվեն հեռավար կրթության մեխանիզմներից»,- նշեց Հայրապետյանը։
Անդրադառնալով հեռավար կրթության ընթացքում երեխաների անձնական տվյալների պաշտպանության վերաբերյալ մտահոգություններին՝ նա ընդգծեց, որ համաձայն է հնչած տեսակետների հետ, և օր առաջ պետք է միջոցներ ձեռնարկվեն երեխաների անձնական տվյալների անվտանգությունն ապահովելու ուղղությամբ։
Մանրամասները՝ տեսանյութում:
