17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Ի՞նչ քայլեր է իրականացրել ԿԳՄՍ նախարարությունը հեռավար կրթությունը կազմակերպելու համար. ՏԵՍԱՆՅՈՒԹ
Հասարակություն
09.04.2020 | 12:18
Հեռավար ուսուցումը, որպես կրթության մի ձև, Կառավարությունն արդեն իսկ ամրագրել էր և իրականացնում էր փորձնական ծրագիր 2 համայնքներում։ Այս մասին այսօր կազմակերպված «Հեռավար կրթության մարտահրավերներն ու հնարավորությունները արտակարգ դրության պայմաններում» հեռավար լսումների ժամանակ տեղեկացրեց ԿԳՄՍ փոխնախարար Ժաննա Անդրեասյանը։
«Մենք հայտնվեցինք մի դրության մեջ, երբ ստիպված էինք շուրջ կես միլիոն շահառուների հետ միանգամից անցում կատարել ուսուցման հեռավար ձևին, որը, բնականաբար, իր մեջ պարունակում էր բազմաթիվ հարցեր՝ տեխնիկականից մինչև մեթոդաբանություն»,- նշեց փոխնախարարը։
Նա ներկայացրեց այն քայլերը, որոնք կատարվել են արտակարգ դրության պայմաններում հեռավար կրթության ապահովման համար. «Կրթության շարունակական արագ արձագանքման համար մենք, դեռևս մինչև արտակարգ դրության սկսելը, ունեցանք հանդիպումներ այս ոլորտում փորձառություն ունեցող հարթակների և դպրոցների ներկայացուցիչների հետ և խնդրեցինք միավորել ջանքերը՝ հեռավար ուսուցման համալիր էջի ստեղծման և այս ռեսուրսները միմյանց հետ կիսելու համար։ Հենց նույն օրը կարողացանք գործարկել էջը, ինչպես նաև հավաքագրել այդ ամբողջ ռեսուրսները և դրանք փորձել հնարավորինս կիսել ուսուցիչների, աշալերտների և ծնողների հետ»:
Մանրամասները՝ տեսանյութում:
