18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
3D պրինտերով տպված շնչառական սարքերը չեն լուծում իրենց առջև դրված խնդիրները․ Հակոբ Արշակյան. ՏԵՍԱՆՅՈՒԹ
Հասարակություն
08.04.2020 | 13:42
Համացանցում տեղեկություններ են հրապարակվում թոքերի արհեստական շնչառության սարքերի առաջարկների վերաբերյալ, սակայն պետք է հարցին լուրջ մոտենալ, քանի որ ֆունկցիոնալ սարքերի ստեղծումը բարդ պրոցես է։ Այս մասին այսօր մամուլի ասուլիսի ժամանակ նշեց ՀՀ բարձր տեխնոլոգիական արդյունաբերության նախարար Հակոբ Արշակյանը։
«Որոշները, իհարկե, լուրջ սարքեր են, բայց որոշներն էլ 3D պրինտերով տպված սարքեր են, որոնք, ըստ էության, ամբողջապես չեն կատարում իրենց առջև դրված խնդիրները։ Սարքերը իրականում պետք է ունենան արձագանքման և չափման համակարգեր, որպեսզի չվատթարացնեն և նույնիսկ կյանքին վտանգ չսպառնան։ Այստեղ միայն պոմպի դեր չի կատարում, միայն օդ չի մղում և արտամղում, այդ սարքը ամբողջությամբ փոխարինում է շնչառական համակարգին, և պետք է անհրաժեշտության դեպքում կանգ առնի կամ որևէ ինդիկատոր միանա, բժիշկներինն տեղեկացնի այս կամ այն իրավիճակի մասին»,- նշեց նախարարը:
Նա հավելեց, որ այդպիսի սարքերի նախագծումը բավականին բարդ պորցես է, մեկ շաբաթում կամ մեկ ամսում լուծվող հարց չէ. «Նույնիսկ ոչ փորձարկված, ոչ սերտիֆիկացված, բայց աշխատող ֆունկցիոնալ սարք ունենալու համար բավականին աշխատանք պետք է տարվի»:
Մանրամասները՝ տեսանյութում:
