01.11.2024 | 23:19
Հրդեհ Գյումրու տներից մեկում
Ընտանիքի 2 անդամներ չեն կարող մեքենայի մեջ լինել, 132 հոգով մի դահլիճում քննարկում ենք․ Էնֆիաջյան. ՏԵՍԱՆՅՈՒԹ
30.03.2020 | 12:45
ԱԺ «Բարգավաճ Հայաստան» խմբակցության պատգամավոր Վահե Էնֆիաջյանը կորոնավիրուսի տարածման կանխարգելման ամենախիստ միջոցներն է առաջարկում իրականացնել։ Այս մասին պատգամավորը հայտարարեց Ազգային ժողովի արտահերթ նիստում Արտակարգ դրության իրավական ռեժիմի մասին ՀՀ օրենքում լրացումներ կատարելու մասին նախագծի քննարկման ժամանակ։
«Մենք փուլերով բերում ենք ինչ-որ խստացման ռեժիմ։ Այդ փորձը տարբեր երկրներում արդեն հասել է կրիտիկական վատ վիճակի, եկեք տեսնենք՝ ամենածայրահեղ կանխարգելող միջոցները որոնք են եղել, այդ ռեժիմը սահմանենք միառժամանակ։ Հանրապետությունում հայտարարում են պետական այրերի մակարդակով ամենատարբեր՝ զավեշտի հասնող սահմանափակումներ. ընտանիքի 2 անդամ չեն կարող միաժամանակ նույն մեքենայի մեջ գտնվել, բայց հիմա 132 հոգի մի դահլիճում հավաքվել, քննարկում ենք անում 2 ժամից ավելի։ Ֆիքսում ենք իրավիճակ, հետո նոր փորձում ենք այդ իրավիճակը կանխարգելող միջոցներ ձեռնարկենք։ Ամենախիստ ռեժիմը եկեք սահմանենք»,- ասաց պատգամավորը։
Մանրամասները՝ տեսանյութում:
