01.07.2026 | 12:45
Պարոն Քոչարյանի պատճառով տապալվեց նախագիծը. Հայկ Սարգսյան․ ՏԵՍԱՆՅՈՒԹ
Ամբողջ աշխարհում շնչառական սարքերի ու դրանց օգտագործումն իմացողների պակաս կա․ Լորդ Արա Դարզի. ՏԵՍԱՆՅՈՒԹ
28.03.2020 | 16:27
Վախը կառավարելը հեշտ բան չէ։ Վիրուսը դեռ զարգացման, աճման փուլում է։ Աշխարհում չկա մի առողջապահական համակարգ, որը հնարավորություն ունի պայքարել այն դեպքում, երբ բնակչության 15-20%-ը վարակակիր կլինի։ Այս մասին այսօր «COVID-19. առերեսվելով համաշխարհային վախին» թեմայով վեբինարի ընթացքում նշեց Լոնդոնի կայսերական քոլեջի Գլոբալ առողջապահական նորարարությունների ինստիտուտի տնօրեն, «Ավրորա» մրցանակի ընտրող հանձնաժողովի նախագահ, Հայաստանի գիտության և տեխնոլոգիաների հիմնադրամի (FAST) կառավարման խորհրդի անդամ Լորդ Արա Դարզին:
«Միակ բանը, որ կարող ենք անել՝ մահացության այս ծանր թիվը նվազեցնելու համար, առողջապահության ոլորտում ունեցած պաշարների և դրանց պահանջարկի միջև ճիշտ հավասարակշռություն սահմանելն է։ Իսկ այդ պաշարը սահմանափակ է»,- ասաց նա։
Արա Դարզին բերեց Իսպանիայի ու Իտալիայի օրինակը, որոնց դեպքում կորոնավիրուսով վարակվածների համար բավականաչափ քանակով մահճակալներ չկան։ «Շուտով ԱՄՆ-ն էլ այդ վիճակին կհասնի»,- ընդգծեց Արա Դարզին։
Նրա խոսքով՝ կարևոր է նաև շնչառական սարքերի թվի ընդլայնումը։ «Մենք կանխատեսում ենք, որ 15-20% վարակակիրների 10-15%—ը շնչառական սարքի կարիք կունենա։ Այսօր աշխարհում նաև շնչառական սարքերի և դրանց օգտագործումն իմացողների զգալի պակաս կա»,- ասաց Արա Դարզին։
Մանրամասները՝ տեսանյութում։
Նելլի Մելքոնյան
