04.11.2024 | 22:14
Ադրբեջանը 4,7 մլն դոլար է վճարել լոբբիստներին՝ COP29-ից առաջ իր «ավտորիտար իմիջը մաքրելու» համար․ Democracy for Sale
Ստալինը զենքի ուժով էր կոլխոզներ ստեղծել, մենք ֆինանսավորում ենք՝ կամավոր վերստեղծեք․ Փաշինյան. ՏԵՍԱՆՅՈՒԹ
Տնտեսություն
25.03.2020 | 17:50
Պարենային անվտանգության ի՞նչ պլանավորում ունենք, ի՞նչ քայլեր են նախատեսվում, որ աշնանն ունենանք այն բերքի տեսակներն ու քանակները, որ ակնկալում ենք ունենալ: Այսօր ԱԺ-ում Կառավարության հետ հարցուպատասխանի ժամանակ հարց ուղղեց «Բարգավաճ Հայաստան» խմբակցության պատգամավոր Սերգեյ Բագրատյանը:
ՀՀ վարչապետ Նիկոլ Փաշինյանը նշեց, որ հիմա գյուղատնտեսությամբ զբաղվելու լավագույն ժամանակն է, քանի որ արտակարգ դրությունից հետո աշխարհում պարենն ամենապահանջվածն է լինելու։
«Դրա համար մենք զրոյացնում ենք գյուղոլորտի բոլոր վարկերը և, ըստ էության, Կառավարության համաֆինանսավորմամբ առաջարկելու ենք գյուղատնտեսական վարկեր այն ֆերմերներին, որոնք ունեն վարկային պոզիտիվ պատմություն»,- ասաց Փաշինյանը:
Անդրադառնալով բանկերի «սև ցուցակներում» գտնվողների մասին հարցին՝ Փաշինյանն առաջարկեց ստեղծել գյուղատնտեսական կոոպերատիվներ, վարկեր վերցնել:
«Ես բազմիցս լսել եմ ջղայնացած խոսակցություն այն մասին, թե «ինչպես գյոզալ կոլխոզները քանդեցին»: Մենք ասում ենք՝ Ստալինը զենքի ուժով է դրանք ստեղծել, դուք էլ, որ նոստալգիայով եք հիշում, մենք հնարավորություն ենք տալիս, ֆինանսավորում ենք, գնացեք, վերստեղծեք»,- ասաց նա:
Մանրամասները՝ տեսանյութում:
