04.04.2026 | 18:23
Իրանը թույլատրել է հումանիտար օգնությամբ բեռնված նավերի անցումը Հորմուզի նեղուցով
Կորոնավիրուսի տարածումից առաջ Բելգիայի Առողջապահության նախարարությունը 38 միլիոն դիմակ է ոչնչացրել․ The Brussels Times
Քաղաքականություն
25.03.2020 | 18:11
Բելգիայի առողջապահության նախարարությունը նոր կորոնավիրուսի տարածումից առաջ ռազմավարական պահուստից միլիոնավոր պաշտպանիչ բժշկական դիմակներ է ոչնչացրել։
Պատճառն այն է, որ դրանց պահպանման ժամկետն անցել է և դրանք գործածման համար անպիտան են եղել: Այս մասին տեղեկանում ենք The Brussels Times-ից:
Ընդհանուր առմամբ՝ 32 միլիոն վիրաբուժական և 6 միլիոն FFP2 տիպի շնչառական դիմակ է ոչնչացվել։ Երկրի առողջապահության նախարար Մեգի Դե Բլոկի աշխատակազմը որոշել է վերացված դիմակները նորերով չփոխարինել։
Հավելենք, որ այդ դիմակները ձեռք էին բերվել 2006 թվականին ու թարմացվել 2009-ին՝ խոզի գրիպի H1N1 վարակի պատճառով: Դրանք ձեռք բերելու համար Բելգիայի Առողջապահության նախարարությունը 9 միլիոն եվրո էր հատկացրել:
Նելլի Մելքոնյան
