26.04.2026 | 21:21
Իրավիճակը Մալիում․ մահացել է պաշտպանության նախարարը, երկրում թեժ մարտեր են
Վարկերից օգտվելու են այն կազմակերպությունները, որոնք օժանդակության կարիք չունեն․ Մանե Թանդիլյան. ՏԵՍԱՆՅՈՒԹ
Տնտեսություն
25.03.2020 | 17:00
Կառավարության առաջարկած վարկային ծրագրերից փաստացի օգտվելու են այն կազմակերպությունները, որոնք այսօր աջակցության կարիք չունեն։ Այս մասին այսօր Ազգային ժողովում Կառավարությանհետ հարցուպատասխանի ժամանակ հայտարարեց «Լուսավոր Հայաստան» խմբակցության պատգամավոր Մանե Թանդիլյանը։
«Որոշում եք հրապարակել հակաճգնաժամային վարկային աջակցության, որի նախապայման է նաև բարվոք հարկային և վարկային պատմությունը: Փաստացի Կառավարությունը հայտարարում է, որ սա աջակցություն է այն տնտեսվարողին, որոնք ճգնաժամի պատճառով հայտնվել են խոցելի վիճակում և ֆինանսական խնդիրներ են առաջացել, մյուս կողմից ասվում է՝ պետք է ֆինանսական խնդիրներ, վարկային և հարկային պարտավորություններ չունենա կազմակերպությունը, որ այս վարկը տրամադրվի: Կազմակերպություններն անգամ հարկային պարտավորություններն այսօր չեն կարողանում իրականացնել, մի քանի շաբաթից այդ հարկատուների թիվն ավելի է մեծանալու, արդյունքում այն ընկերությունները չեն կարողանալու դիմել այդ վարկային ծրագրերի համար»,- նշեց Մանե Թանդիլյանը
Նա հարց ուղղեց՝ ի՞նչ միջոցներ է պատրաստվում Կառավարությունը ներդնել, որ այս տնտեսվարողներին օժանդակություն լինի։ Հարցին պատասխանեց ՀՀ վարչապետ Նիկոլ Փաշինյանը։
Մանրամասները՝ տեսանյութում:
