19.04.2026 | 20:30
ՃՏՊ Երևան-Մեղրի ավտոճանապարհին․ կան տուժածներ և զոհ
Սպորտի նկատմամբ վերաբերմունքը պետք է փոխվի. վարչապետ. ՏԵՍԱՆՅՈՒԹ
20.02.2020 | 12:09
Կառավարության այսօրվա նիստում ԿԳՄՍ նախարար Արայիկ Հարությունյանը նախարարությանը գումար հատկացնելու վերաբերյալ առաջարկ ներկայացրեց։
Առաջարկվում է 50 մլն դրամ տրամադրել՝ «Տարվա 10 լավագույն մարզիկ» մրցույթում հաղթողներին պարգևատրելու համար։ Արայիկ Հարությունյանի խոսքով՝ մրցույթն անցկացվել է նախորդ տարի ու նախկինում մարզիկներին խրախուսելու միջոցներ չեն եղել: Քննարկումների արդյունքում որոշվել է յուրաքանչյուր հաղթողի հատկացնել 5 մլն դրամ։
Նիկոլ Փաշինյանն ընդգծեց, որ Կառավարությունը սպորտի նկատմամբ վերաբերմունքը պետք է փոխի։
«Ես առաջարկել եմ կետ ֆիքսենք, որ Հայաստանի Հանրապետությունը պետք է ունենա ավելի քան 25 օլիմպիական մեդալ, նվաճի շախմատի աշխարհի անհատական չեմպիոնի կոչումը և ֆուտբոլի ազգային հավաքականը պետք է մինչև 2050 թվականը դառնա Աշխարհի կամ Եվրոպայի առաջնության մրցանակակիր։ Սա ոչ միայն քաղաքական, սոցիալ-հոգեբանական, այլ նաև տնտեսական հարց է»,- ասաց վարչապետը:
Մանրամասները՝ տեսանյութում:
