18.05.2024 | 22:23
Աշխաբադում բացվել է Սայաթ-Նովայի արձանը
Կազմակերպության կողմից հաշվետվությունը ժամանակին չհրապարակելու դեպքում նախատեսված է տուգանք, հնարավոր է՝ լուծարում․ Էդվարդ Հովհաննիսյան. ՏԵՍԱՆՅՈՒԹ
Հասարակություն
03.02.2020 | 13:15
ԱԺ մարդու իրավունքների պաշտպանության և հանրային հարցերի հանձնաժողովի նիստի ժամանակ քննարկվում է «Հասարակական կազմակերպությունների մասին» ՀՀ օրենքում փոփոխություն կատարելու մասին հարցը։
«Իմ քայլը» խմբակցության պատգամավոր Սարգիս Խանդանյանը հետաքրքրվեց, թե կազմակերպության անդամների և կամավորների թիվը տրամադրելուց պե՞տք է արդյոք նաև աշխատակիցների անունները ներկայացնել, և արդյոք այդ անունները հրապարակվո՞ւմ են։
ՊԵԿ նախագահի տեղակալ Էդվարդ Հովհաննիսյանը տեղեկացրեց, որ ինչպես նշվում է նախագծում, ուղղակի կամավորների թիվն է ներկայացվում՝ առանց անձնական տվյալների։ Սարգիս Խանդանյանը նաև հետաքրքրվեց, եթե կազմակերպությունը չի ներկայացնում հաշվետվությունը, սանկցիա կիրառվո՞ւմ է, Հովհաննիսյանը դրական պատասխան տվեց։ Նա նկատեց, որ կազմակերպության կողմից հաշվետվությունը ժամանակին չհրապարակելու դեպքում նախատեսված է վարչական պատասխանատվություն։
Իսկ «Իմ քայլը» խմբակցության պատգամավոր Թագուհի Ղազարյանը նկատեց, որ հնարավոր է՝ կազմակերպությունը ոչինչ չլրացնի և ամեն տարի այդ 50․000 դրամ տուգանքը վճարի անցնի առաջ։
Հովհաննիսյանը նկատեց, որ դա արդեն հիմք է հանդիսանում լիազոր մարմնի կողմից կազմակերպության լուծարման դիմումով դատարան հայց ներկայացնելու համար։
Մանրամասները՝ տեսանյութում։
