27.04.2026 | 13:20
Փհենյանում բացվել է Ուկրաինայի դեմ ՌԴ-ի կողմից կռված հյուսիսկորեացի զինվորների հուշահամալիր
Չի ստացվի մեր վզին փաթաթել այն, ինչ գոյություն չունի․ Արման Աբովյան. ՏԵՍԱՆՅՈՒԹ
Քաղաքականություն
21.01.2020 | 12:40
Արդեն որերորդ անգամ պարոն Բաբաջանյանը սադրում է, սադրում է ուղիղ, սադրում է անուղիղ։ Այս մասին Ազգային ժողովում իր ելույթի ժամանակ ասաց «Բարգավաճ Հայաստան» խմբակցության պատգամավոր Արման Աբովյանը։
Հիշեցնենք, որ քիչ առաջ ելույթ ունեցավ «Բարգավաճ Հայաստան» խմբակցության պատգամավոր Գևորգ Պետրոսյանը։ Նա ասաց, որ գողական բառի հետ էլի 3 տառից բաղկացած հասկացություն կա, լավ կլինի դրա դեմ պայքարեն։ Ապա ելույթ ունեցավ պատգամավոր Արման Բաբաջանյանը և նշեց, որ իր կարծիքով՝ «Բարգավաճ Հայաստանի» անունից ինչ-որ մեկը պետք է ներողություն խնդրի իրենց գործընկերոջ խայտառակ պահվածքի համար։
«Ես, ճիշտն ասած, չհասկացա ինչն այդպես բորբոքեց պարոն Բաբաջանյանին, որ այստեղ մենք տեսանք մեկ դերասանի թատրոն։ Ի՞նչ էր ասել, պարոն Պետրոսյանը, վիրավորե՞լ է, կպե՞լ է։ Հասկանում եմ՝ ինչի համար է սադրում, որ լրատվամիջոցում, որը, այսպես կոչված, պարոն Բաբաջանյանի հովանավորության տակ է, հայտնվի մի գրառում, որ «Բարգավաճ Հայաստանը» պաշտպանում է կրիմինալը։ Չի ստացվի մեր վզին փաթաթել այն, ինչ գոյություն չունի։ «Բարգավաճ Հայաստանը» պաշտպանում է քաղաքացու իրավունքները»,- ասաց Արման Աբովյանը։
Մանրամասները՝ տեսանյութում։
Արմինե Ալոյան
