17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Հայաստանի ձյուդոյի հավաքականի առաջատար Ֆերդինանդ Կարապետյանը միավորների քանակով, իր քաշային կարգում, 32-րդ հորիզոնականում է
15.01.2020 | 14:51
Ձյուդոյի Եվրոպական միությունը նոր մրցաշրջանում, Ավստրիայի Միտերսիլ քաղաքում, կազմակերպել է հերթական օլիմպիական մարզումային ճամբարը: Աշխարհի 67 երկիր ներկայացնող շուրջ 1500 մասնակիցների թվում զգալի տոկոս են կազմում հեղինակությունները: Հայաստանի ձյուդոյի ֆեդերացիայի գլխավոր քարտուղար Թաթուլ Հովհաննիսյանի և հավաքականի գլխավոր մարզիչ Հովհաննես Դավթյանի ղեկավարությամբ պարապմունքներին մասնակցում են Ֆերդինանդ Կարապետյանը, Յուրի Իսրայելյանը, Տիգրան Բադալյանը, Մերուժան Սարգսյանը և Բորիս Շատվերյանը: Ճամբարի մասնակիցները վերջին մարզումներն են անցկացնում և վաղը երեկոյան մեր թիմը կվերադառնա հայրենիք:
Տանը ձյուդոիստները կշարունակեն նախապատրաստվել պատասխանտու մրցաշարերին: Հունվարի 25 –ին Թել Ավիվում, ապա ` փետրվարի 8-ին Փարիզում կմեկնարկեն օլիմպիական վարկանիշային մրցաշարերը: Դրանք հաջորդաբար կանցկացվեն մինչև մայիսի 25 –ը ,երբ մարզաձևի միջազգային ֆեդերացիան կհրապարակի Տոկիո մեկնողների ցանկը: Յուրաքանչյուր քաշային կարգում կընդգրկվեն 1-25 –րդ տեղերը զբաղեցնող վարպետները: Հայաստանի հավաքականի առաջատար Ֆերդինանդ Կարապետյանը / 73կգ / միավորների քանակով, իր քաշային կարգում, առայժմ 32 –րդ հորիզոնականում է:
Նկարում ` Ֆ.Կարապետյանը
