15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Վանաձոր քաղաքի տներից մեկի տանիքում հրդեհ է բռնկվել
Հասարակություն
04.01.2020 | 13:56
Հունվարի 3-ին` ժամը 18։45-ին, «911» ծառայություն տեղեկություն է հաղորդվել, որ Լոռու մարզի Վանաձոր քաղաքի Ներսիսյան փողոցի վերջնամասում այրվում է բնակելի տուն: Այս մասին տեղեկացնում են ԱԻՆ մամուլի ծառայությունից։
Դեպքի վայր է մեկնել ԱԻՆ ՓԾ մարզային փրկարարական վարչության հրշեջ-փրկարարական ջոկատից երկու մարտական հաշվարկ:
Պարզվել է, որ հրդեհ է բռնկվել Ներսիսյան փողոցի տներից մեկի տանիքում և հարակից գտնվող ինքնաշեն խորդանոցում (մոտ 15 քմ)։
Հրդեհը մեկուսացվել է ժամը 18։59-ին, մարվել՝ 19։38-ին։
Այրվել են տան տանիքի փայտյա կառուցատարրերը՝ մասամբ (մոտ 20 քմ), խորդանոցը (մոտ 15 քմ)՝ ներսում կուտակած 3 խմ թեփով՝ ամբողջությամբ:
