23.02.2026 | 13:46
Ինչ վիրուսներ են շրջանառվում Հայաստանում
«Դու ինձ կներես, որ հույսերդ լրիվ չեմ արդարացրել». վարչապետը համբուրեց տարեց թոշակառուի ձեռքը. ՏԵՍԱՆՅՈՒԹ
Քաղաքականություն
30.12.2019 | 13:55
Բաղանիսում շրջայց կատարելիս վարչապետ Փաշինյանին մոտեցավ թոշակառու մի կին ու դժգոհեց բարձրացված թոշակի չափից:
Տարեց կինը մատնանշեց նախարարների աշխատավարձի չափն ու կենսաթոշակի 3000 դրամ բարձրացումը:
«Դեղի եմ տալիս, չի բավականացնում, 37 000 հազար դրամն ի՞նչ է, որ ապրես»,- նկատեց միայնակ թոշակառուն:
Վարչապետը բացատրեց, որ նախարարների աշխատավարձը բարձրացնում են, որպեսզի լավ աշխատեն ու թոշակառուների թոշակները գնալով բարձրանան:
«Մայրիկ ջան Հայաստանում 500 000 թոշակառու կա: Այ սրա ՀԴՄ-ն, որ վերցնեք, թեր թոշակները կբարձրանան»,- ասաց վարչապետը ցույց տալով տարեց կնոջ ձեռքի գնումը՝ լավաշը:
«Կներես բալիկ ջան, ես գիտեմ, որ դու համեստ ապրած մարդ ես»,- ասաց տարեց կինը: «Դու ինձ կներես, որ հույսերդ լրիվ չեմ արդարացրել»,- ասաց վարչապետն ու համբուրեց տարեց տիկնոջ ձեռքը:
«Դե թող քո ձեռքն էլ ես պաչեմ»,- հեռացող վարչապետի հետևից ձայնեց թոշակառուն:
Նշենք, որ շրջայց վարչապետը իր տիկնոջ՝ Աննա Հակոբյանի հետ սկսկել էր Տավուշի մարզի Կողբ համայնքից:
