17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Եկել ենք աջակցելու Սահմանադրական կարգի պահպանմանը. Արծվիկ Մինասյանը ՍԴ բակում է. ՏԵՍԱՆՅՈՒԹ
Քաղաքականություն
27.12.2019 | 11:52
Մենք եկել ենք այստեղ՝ աջակցելու սահմանադրական կարգի պահպանմանը: Սահմանադրական դատարանի դիմաց անցկացվող ակցիայի ժամանակ լրագրողների հետ զրույցում այս մասին ասաց ՀՅԴ-ական Արծվիկ Մինասյանը: Նշենք, որ ՀՔԾ քննիչները ՍԴ-ում հարցաքննում են դատարանի նախագահ Հրայր Թովմասյանին:
«Հրայր Թովմասյանը տվյալ դեպքում միայն անձ չէ, նա ՍԴ նախագահն է, ՀՀ սահմանադրական արդարադատության ղեկավար անձ: Եվ այս ինստիտուտի նկատմամբ քաղաքական իշխանության ոտնձգություններն արդեն տևական ժամանակ է՝ առկա են բազմաթիվ գործընթացներով»,- ասաց Մինասյանը:
Նրա խոսքով՝ սա էլ հերթական ապօրինի գործողությունն է, փորձ է արվում ճնշման միջոցով սեփական Սահմանադրական դատարան ձևավորելու ձգտումն իրականություն դարձնել:
«Ակնհայտ է նաև, որ Վահե Գրիգորյան օպերացիան, բազմաթիվ քրեական գործերով իշխանությունը չի հասել հաջողության»,- հավելեց ՀՅԴ-ական գործիչը:
Մանրամասները՝ տեսանյութում:
