12.11.2024 | 23:27
Գրետա Թունբերգը ժամանել է Հայաստան
Թուրքիայում ինքնաթիռը պայթեցնել սպառնացող կինը ներկայացել է որպես գյուլենական
Քաղաքականություն
25.12.2019 | 19:41
Օրերս թուրքական ինքնաթիռում որպես ահաբեկիչ ներկայացած և ինքնաթիռը պայթեցնել սպառնացած քաղաքացուն մեղադրանք է առաջադրվել, գրում է ermenihaber-ը:
Անատոլիայի հանրապետական գլխավոր դատախազությունն ավարտել է Նիքարի գործով հետաքննությունը։ Կազմվել է մեղադրական եզրակացություն՝ «օդային տրանսպորտային միջոցի առևանգման կամ թռիչքին խոչընդոտելու» մեղադրանքով և 5-10 տարի ազատազրկման պատիժ սահմանելու պահանջով։
Նիքար Դ․ անունով ուղևորը Թուրքիայի Սաբիհա Գյոքչեն օդանավակայանից Կիպրոս մեկնող ինքնաթիռում հայտարարել էր, որ ինքը «Ֆեթհուլլահական ահաբեկչական խմբավորման» (FETÖ) անդամ է։
«Ես FETÖ-ական (գյուլենական) եմ, ինքնաթիռը պայթեցնելու եմ։ Օդանավակայանում 5 ռումբ է տեղադրված»:
Ուղևորների ու անվտանգության աշխատակիցների ջանքերով կինը ձերբակալվել և կալանավորվել էր։ Ինքնաթիռում այդ պահին եղել է 144 ուղևոր։
Նիքարի փաստաբանը հայտնել է, որ իր պաշտպանյալը հոգեկան առողջության խնդիրներ ունի և բժշկի որոշմամբ հաշվառված է նյարդային և հոգեկան հիվանդությունների Բաքըրքյոյի հիվանդանոցում։
