27.09.2026 | 10:55
Լոռու, Արմավիրի և Կոտայքի 4 համայնքներում ՏԻՄ ընտրություններ են․ ժամը 08։00-ին բացվել են բոլոր 14 տեղամասերը․ ԿԸՀ
Թող լինեն արմագեդոնին հասնող բանավեճեր, բայց միայն քաղաքական․ Նաիրա Զոհրաբյան. ՏԵՍԱՆՅՈՒԹ
Քաղաքականություն
19.12.2019 | 12:52
Մենք անընդհատ ասում ենք՝ համայնքը ասում է, բայց համայնքն ինչպե՞ս է ասում: Համայնքը կարող է ասել տեղական հանրաքվեների միջոցով: Խորհրդարանում «Տեղական հանրաքվեի մասին» օրենքում լրացումներ և փոփոխություններ կատարելու մասին» և «Տեղական ինքնակառավարման մասին» օրենքում լրացումներ կատարելու մասին» ՀՀ օրենքների նախագծերի փաթեթի՝ երկրորդ ընթերցմամբ քննարկման ժամանակ ասաց «Բարգավաճ Հայաստան» խմբակցության պատգամավոր Նաիրա Զոհրաբյանը:
«Հիմա եթե մենք ուզում ենք տեղական հանրաքվեներին տալ իմպերատիվության ուժ, եկեք արդեն մտածենք սահմանադրական փոփոխությունների մասին: Ես ինքս կուզենամ, որ տեղական հանրաքվեի արդյունքն ունենա իմպերատիվ ուժ, բայց դա այլևս Սահմանադրությամբ լուծելի խնդիր է»,- հավելեց պատգամավորը:
Ամփոփելով խոսքը՝ Նաիրա Զոհրաբյանը բարեմաղթանքներ հնչեցրեց:
«Ուզում եմ, որ տարին երջանիկ, բարի լինի բոլորիս համար, ուզում եմ, որ այն բացասական էներգիան, որ շատ դեպքերում մեզանից յուրաքանչյուրը բերում է այս դահլիճ, և բանավեճերը քաղաքական հարթակից իջնում են անձնական հարթակ, որը չի կարելի… Թող լինեն արմագեդոնին հասնող բանավեճեր, բայց միայն քաղաքական»,- ասաց Նաիրա Զոհրաբյանը:
Մանրամասները՝ տեսանյութում:
