01.02.2026 | 21:17
Փակ են Ամբերդ ամրոց և Քարի լիճ տանող ավտոճանապարհները
Կա կամայական մոտեցում՝ ԱԺ տարածքում հավաքների անցկացման առումով․ Ռաֆայել Իշխանյան. ՏԵՍԱՆՅՈՒԹ
Հասարակություն
18.12.2019 | 16:23
Հավաքների անցկացման իրազեկման ժամկետների խնդիրը վերջին հինգ տարում չի դրսևորվել: Հավաքների նկատմամբ ոստիկանական միջամտությունների՝ բռնությունների և դրանց պատասխանատուներին պատասխանատվության ենթարկելու խնդիրը մնում է ակտուալ: «Քաղաքացիական հասարակությունը ՄԱԿ-ի Մարդու իրավունքների խորհրդի 35-րդ շրջանում Հայաստանի Համընդհանուր պարբերական դիտարկմանն ընդառաջ» վերտառությամբ հանրային քննարկման ժամանակ ասաց Հայաստանի Հելսինկյան կոմիտեի իրավաբան Ռաֆայել Իշխանյանը:
«Շատ ակտուալ է, մանավանդ, որ հինգ տարում ականատես եղանք մեծ հավաքների և շարժումների: Պետք է արձանագրենք, որ այստեղ մեծ առաջընթաց չկա: Լրագրողների, ակտիվիստների նկատմամբ բռնությունները, հետապնդումները, բերման ենթարկելու դեպքերը՝ ժամկետների խախտումներով, իրավունքների ոտնահարման հարցերը մնում են չլուծված: Բազմաթիվ քրեական գործեր ընթացքի մեջ են»,- ասաց իրավաբանը:
Նրա գնահատմամբ՝ հավաքների ազատության անցկացման առումով կա խնդիր ոստիկանական ուժերի և հավաքի մասնակիցների թվաքանակի համաչափության, ինչպես և որոշ սահմանափակումների մասով:
«Մենք գործ ունենք համաչափության տարբեր խնդիրների հետ: Եթե խոսենք վերջին շրջանից, օրինակ, ԱԺ տարածքում անցկացվող հավաքների առումով կա կամայական վերաբերմունք՝ որոշ հավաքներ այնտեղ անցկացվում են, որոշները՝ ոչ»,- նշեց Իշխանյանը:
Մանրամասները՝ տեսանյութում:
Ռոբերտ Անանյան
