12.08.2026 | 22:18
Հայաստանի մի շարք հասցեներում էլեկտրաէներգիայի անջատումներ կլինեն
Դատական համակարգի նկատմամբ բացարձակապես վստահություն չկա. Արթուր Սաքունց. ՏԵՍԱՆՅՈՒԹ
Հասարակություն
18.12.2019 | 15:54
Մինչ օրս անտեսված է մնում Հայաստանի մարդու իրավունքների նախկին պաշտպան Կարեն Անդրեասյանի՝ 2013 թվականի զեկույցը, որտեղ կային դատական համակարգի կոռումպացվածությունը փաստող տվյալներ: «Քաղաքացիական հասարակությունը ՄԱԿ-ի Մարդու իրավունքների խորհրդի 35-րդ շրջանում Հայաստանի Համընդհանուր պարբերական դիտարկմանն ընդառաջ» վերտառությամբ հանրային քննարկման ժամանակ արձանագրեց իրավապաշտպան Արթուր Սաքունցը:
«Այդ զեկույցն ուղարկվեց բոլոր դատավորներին, որոնք միահամուռ կերպով վերադարձրեցին զեկույցը ՄԻՊ-ին: Այսօր էլ դատական համակարգը բացարձակապես չունի վստահություն»,- հավելեց իրավապաշտպանը:
Նրա խոսքով՝ դատաիրավական համակարգի փոփոխությանն ուղղված արմատական փոփոխություններ պետք է արվեին: Սաքունցի կարծիքով՝ դատական համակարգը մաքրելու համար պարտադիր է անցումային արդարադատության վեթինգ գործիքի կիրառումը, առանց որի՝ համակարգային փոփոխություն դատական համակարգում հնարավոր չէ անել:
Մանրամասները՝ տեսանյութում:
Ռոբերտ Անանյան
