06.11.2026 | 16:18
Անհիմն կերպով ՌԴ-ն սահմանափակել է ՀՀ ապրանքների մուտքը. Պապոյան. ՏԵՍԱՆՅՈՒԹ
Հակառակորդը խախտել է հրադադարը Նոյեմբերյանի շրջանում
Քաղաքականություն
17.12.2019 | 22:50
Այսօր՝ դեկտեմբերի 17-ի ուշ երեկոյան հակառակորդը հայ-ադրբեջանական սահմանին խախտել է հրադադարը: Ադրբեջանական կողմը հրադադարի ռեժիմը խախտել է Բաղանիս-Ոսկեպար-Ոսկեվան հատվածում: Այս մասին Factor.am-ին հայտնեց Բաղանիս համայնքի ղեկավար Նարեկ Սահակյանը:
Նրա փոխանցմամբ՝ նախ միջդիրքային կրակոցներ են եղել, այնուհետև ադրբեջանական կողմը խոշոր տրամաչափի զինատեսակներից ինտենսիվ կրակ է բացել Բաղանիսի, այնուհետև՝ միջպետական ճանապարհի ուղղությամբ:
«Հայաստանից Վրաստան տանող միջպետական ճանապարհը փակ էր, ավտոմեքենաներն ընթանում էին շրջանցիկ ճանապարհով: Հիմա, սակայն, իրավիճակը հանդարտ է, միջպետական ճանապարհն արդեն բաց է»,- հավելեց Նարեկ Սահակյանը:
Նա նշեց, որ տուժածներ կամ ավերածություններ Բաղանիսում, գոնե այս պահի տեղեկություններով, չկան:
Հավելենք, որ ՀՀ ՊՆ-ից կրակոցների վերաբերյալ մեկնաբանություն ստանալ չհաջողվեց:
