22.05.2026 | 08:56
Սուտ է, Google-ի գոյութան ողջ ընթացքում Տիգրանաշենի անունն այդպես է եղել. Փաշինյան․ ՏԵՍԱՆՅՈՒԹ
Արման Բաբաջանյանը գոհ չէ խորհրդարանական ընդդիմության աշխատանքից
Քաղաքականություն
14.12.2019 | 15:51
ՀՀ ազգային ժողովի պատգամավոր Արման Բաբաջանյանը գոհ չէ խորհրդարանական ընդդիմության աշխատանքից, կարծում է, որ ժողովրդավարական իշխանության հետ հարաբերվելու համար գործիքներ չեն փնտրում: «Արմենպրես»-ի հաղորդմամբ՝ Բաբաջանյանը նման տեսակետ է հայտնել իր նախաձեռնությամբ հրավիրված՝ հեղափոխության օրակարգը պաշտպանող քաղաքական, հասարակական միավորների և անհատների մասնակցությամբ քաղաքական հավաքից հետո լրագրողների հետ զրույցում:
«Համոզված եմ, որ խորհրդարանական ընդդիմությունը դուրս չի եկել նախկինի իներցիայից, նախկին գործիքակազմից, և նոր գործիքներ չի փնտրում ժողովրդավարական իշխանության հետ հարբերվելու և դիրքավորվելու իմաստով»,-ասաց Բաբաջանյանը:
Հարցին, թե ինչ գործընթացներից հետո է հասկացել, որ «Լուսավոր Հայաստան» խմբակցությունն այն ընդդիմությունը չէ, որի մեջ իրեն պատկերացնում է, պատասխանեց. «Դա գործությունների, քայլերի համալիր է, որի վերջնարդյունքում ես լքեցի խմբակցությունը»,-ասաց նա:
