12.11.2024 | 23:27
Գրետա Թունբերգը ժամանել է Հայաստան
Եվրախորհրդարանում քննադատել են Սիրիայի նկատմամբ Թուրքիայի քաղաքականությունը
Քաղաքականություն
13.12.2019 | 20:08
Բելգիայի մայրաքաղաք Բրյուսելում կազմակերպված պանելային քննարկմանը բանախոսները քննադատել են Սիրիայի նկատմամբ Թուրքիայի վարած քաղաքականությունը. տեղեկացնում է ermenihaber-ը:
Քննարկմանը մասնակցել են մի շարք մտավորականներ, Եվրախորհրդարանի պատգամավորներ, քաղաքական գործիչներ, հասարակական կազմակերպությունների անդամներ և մարդու իրավունքի պաշտպաններ: Ներկա են գտնվել նաև Ֆրանսիայի նախկին արտգործնախարար Բերնարդ Կուչները, Հունաստանի փախստականների հարցերով նախկին նախարար Իոանիս Մուզալասը:
Մուզալասի փոխանցմամբ` ինքը 4 ամիս առաջ եղել է Սիրիայի հյուսիս-արևելքում, որտեղ ուսումնասիրել է իրավիճակը:
«Ռոժավայում (քրդերեն` Արևմուտք) քրդերը, հայերը և արաբները միասին են ապրում և չեն փորձում տարբեր պետություններ հիմնել: Թուրքիայի համար որևէ ռիսկ չկա և չպետք է այս իրավիճակը մտահոգության տեղիք տա»,- շեշտել է Մուզալասը:
Նա կոչ է արել ԵՄ-ին օգնություն տրամադրել Սիրիայի հյուսիս-արևելքում ապրող բնակչությանը, ինչպես որ Թուրքիային է տրամադրվում, քանի որ նրանք հումանիտար ծայրահեղ ճգնաժամի մեջ են գտնվում:
