29.03.2026 | 10:52
ԵՄ առաքելությունը նախազգուշացրել է Կարմիր ծովում հուսիների նոր սպառնալիքի մասին
Հարկատուներին հարցրե՞լ եք՝ իրենք համաձայն են չաշխատող դատավորին աշխատավարձ տալ․ Գևորգ Պետրոսյան. ՏԵՍԱՆՅՈՒԹ
Քաղաքականություն
10.12.2019 | 10:49
Ազգային ժողովում քննարկվում է Կառավարության կողմից ներկայացված Սահմանադրական դատարանի մասին Սամանադրական օրենքում լրացում կատարելու մասին և Պաշտոնատար անձանց գործունեության ապահովման, սպասարկման և սոցիալական երաշխիքների մասին օրենքում լրացում կատարելու մասին նախագծերի փաթեթն առաջին ընթերցմամբ ընդունելու հարցը։
ՀՀ պատմության մեջ առաջին անգամ ուզում ենք օրենքի մակարդակով առանձին պաշտոնատար անձանց հարկադրաբար ուղարկել թոշակի։ Այս մասին ԱԺ-ում իր ելույթի ժամանակ ասաց «Բարգավաճ Հայաստան» խմբակցության պատգամավոր Գևորգ Պետրոսյանը։
«Կարող է կարծիք հնչել, որ հարկադրաբար չէ, այլ կամավոր է, բայց ո՞վ չի հասկանում՝ կամավոր չէ։ Ամբողջ պետական մեքենան լծվել է այս գործին, եթե կամավոր է, թող անեն։ Ե՞րբ է իրավունքը պարտադրվել մարդկանց, որ այսօր պարտադրվում է։ Ինչո՞ւ է ընտրվել, թիրախավորվել հենց ՍԴ-ն։ Թող այս գայթակղիչ առաջարկը ներկայացվի Վճռաբեկ դատարանի անդամներին, Վերաքննիչ դատարանի, Առաջին ատյանի դատավորներին։ Չէ՞ որ նրանք էլ են նշանակվել նախկին իշխանությունների կողմից։ Նրանք լիակատար վստահություն ունե՞ն։ Հարկատուներին հարցրե՞լ եք, պարոն նախարար, իրենք համաձայն են չաշխատող դատավորին ամիսը, մոտավորապես, 800 հազար դրամ աշխատավարձ տալ»,- նշեց Պետրոսյանը։
Նա նկատեց, որ Սահմանադրական դատարանը մնացել է միակ անառիկ ամրոցը, որը գրավելով այսօր իշխանությունն ի վիճակի է ցանկացած նախաձեռնություն կյանքի կոչել։
Մանրամասները՝ տեսանյութում։
