20.02.2026 | 18:41
Հայաստանը կարող է Ադրբեջանի և Թուրքիայի միջև էներգետիկ համագործակցության մաս դառնալ. Թուրքիայի էներգետիկայի նախարար
ԼՂ հակամարտության կարգավորումը մշտապես գտնվում է ՌԴ նախագահի ուշադրության կենտրոնում. ՌԴ ԱԳՆ
Քաղաքականություն
02.12.2019 | 12:18
Ռուսաստանի արտգործնախարար Սերգեյ Լավրովն այսօր պաշտոնական այցով կմեկնի Բաքու:Լավրովը բանակցություններ կվարի Ադրբեջանի արտգործնախարար Էլմար Մամեդյարովի և նախագահ Իլհամ Ալիևի հետ. տեղեկանում ենք ՌԴ ԱԳՆ-ի պաշտոնական կայքից:
Ակնկալվում է, որ կողմերը կքննարկեն երկկողմ հարաբերությունների զարգացումը քաղաքական, տնտեսական և մշակութա-հումանիտար ոլորտներում:
«Արտաքին գործերի նախարար Մամեդյարովի հետ բանակցությունների ընթացքում նախատեսվում է քննարկել երկկողմ համագործակցության հիմնախնդիրները: Կկայանա կարծիքների առարկայական փոխանակում միջազգային և տարածաշրջանային հարցերի, այդ թվում՝ Լեռնային Ղարաբաղի հիմնախնդրի կարգավորման վերաբերյալ», – հանդիպմանն ընդառաջ հայտարարել են ռուսական ԱԳՆ-ից՝ նշելով, որ Ռուսաստանը շարունակում է ակտիվ դեր խաղալ Լեռնային Ղարաբաղի հակամարտության լուծմանն ուղղված միջնորդական ջանքերում: Լեռնային Ղարաբաղի հակամարտության կարգավորումը Ռուսաստանի արտաքին քաղաքականության առաջնահերթություններից է և մշտապես գտնվում է ՌԴ նախագահի ուշադրության կենտրոնում:
