23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Պարոն Քոչարյանը պետք է լինի ազատության մեջ. միայն վկաներին լսելը կտևի 5 տարի. Արամ Օրբելյան. ՏԵՍԱՆՅՈՒԹ
08.11.2019 | 13:10
Մարտի 1-ի գործով ամբաստանյալ, ՀՀ երկրորդ նախագահ Ռոբերտ Քոչարյանի պաշտպանները պնդում են, որ իրենք դատաքննության փուլից չեն խուսափում, ավելին՝ կողմ են, որ հնարավորինս շուտ սկսվի, բայց դրա համար անհրաժեշտ է, որ իրենց վստահորդը լինի ազատության մեջ:
Այս մասին այսօր լրագրողների հետ զրույցում ասացին Քոչարյանի պաշտպանները: Փաստաբան Արամ Օրբելյանն ասաց, որ իրենք գտնում են, որ այս գործը անգամ վարույթ չպետք է ընդունվեր. «Պարոն Քոչարյանը պետք է լինի ազատության մեջ, և մենք օրենքից բխող ամեն քայլի դիմելու ենք դրան հասնելու համար»:
Օրբելյանը նշեց, որ գործով ավելի քան 800 վկա կա և միայն նրանց հարցաքննելը կտևի մոտ հինգ տարի, և պետք է Քոչարյանը լինի ազատության մեջ, որպեսզի չխախտվի նրա ազատության իրավունքը:
Փաստաբան Հովհաննես Խուդոյանը ևս պնդեց, որ իրենք չեն խուսափում ապացույցների հետազոտման փուլից՝ հավելելով, որ այդ պարագայում մեղադրանքի կողմը շատ վատ դրության մեջ է հայտնվելու:
Պաշտպանները չբացառեցին, որ դատավորին հերթական ինքնաբացարկի միջնորդություն կներկայացնեն:
Մանրամասները` տեսանյութում:
Լիլիթ Շաբոյան
