12.12.2025 | 23:31
Պուտինի օգնականը չի բացառել պատերազմի ավարտից հետո Դոնբասի ապառազմականացումը
Պետական կառավարման համակարգից պետք է արմատախիլ անենք տգիտության քարոզով զբաղվող մարդկանց․ Նիկոլ Փաշինյան. ՏԵՍԱՆՅՈՒԹ
Տեսանյութեր
31.10.2019 | 12:06
Այս բարեփոխումները, որոնք մենք անում ենք, բարեփոխումներ են՝ ուղղված ընդդեմ հուսահատության, որովհետև ՀՀ-ում մանկատան, գիշերօթիկի սան ասել նշանակում է մարդու նկատմամբ կարդալ դատավճիռ, որ ինքն ամբողջ կյանքի ընթացքում լինելու է հանրային կյանքի և ընդհանրապես հաջողության լուսանցքից դուրս։ Այս մասին Կառավարության նիստի ժամանակ ասաց վարչապետ Նիկոլ Փաշինյանը։
Նա նկատեց, որ իրենք այս իրավիճակի հետ չեն պատրաստվում համակերպվել։
«Մենք հետևողական այս որոշումը պետք է տանենք առաջ, որի նպատակը պետք է լինի մեկը՝ գիշերօթիկ հաստատությունների, մանկատների և այս կարգի հաստատությունների երեխաների մրցունակությունը կյանքում մեծացնել։ Սեփական ուժերի նկատմամբ մեծացնել վստահությունը»,- ասաց Փաշինյանը։
Կառավարության ղեկավարն ընդգծեց, որ պետք է թույլ չտալ, որ Հայաստանի Հանրապետության կոռուպցիոն համակարգի մնացորդները փորձեն Հայաստանը պահել հետադիմության և տանել-մտցնել տգիտության փակուղի։
«Սա շատ հստակ ենք ասում, մեր վարած քաղաքականությունն այս առումով լինելու է սկզբունքային։ Պետք է հատ-հատ, հետևողական արմատախիլ անենք տգիտության քարոզով զբաղվող մարդկանց պետական կառավարման համակարգից, հատ-հատ, հետևողականորեն՝ ընդհուպ «պինցետով», որ ոչ մի մոլեկուլ չմնա այդտեղ»,- նշեց վարաչպետը։
Մանրամասները՝ տեսանյութում։
