09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Ոստիկանները հետապնդել ու բռնել են «Մերսեդեսը» փախցրած տղամարդուն (ՏԵՍԱՆՅՈՒԹ)
30.10.2019 | 18:08
Հոկտեմբերի 28-ի գիշերը ոստիկանության Մասիսի բաժնում 40-ամյա մի տղամարդ հաղորդում է տվել, որ մեքենան կանգնեցրել է Արգավանդ գյուղի կենտրոնական փողոցում, մտել խանութ, իսկ արդեն դուրս գալիս տեսել է, որ «Մերսեդեսը» գողացել են։ Մեքենայի դռները բաց են եղել, բանալին էլ՝ սրահում։ Այս մասին տեղեկացնում է Ոստիկանությունը:
Մասիսի քրեական հետախույզները փախցված մեքենան թարմ հետքերով հայտնաբերելու նպատակով կողմնորոշումներ էին ուղարկել տարածքային ստորաբաժանումների գործընկերներին, ինչպես նաև ճանապարհային ոստիկաններին։ Հայտարարվել էր ավտոհետախուզում։
Դեպքից ժամեր անց՝ հոկտեմբերի լույս 29-ի գիշերը «Մերսեդեսը» հայտնվել է Դիլիջանի ոլորաններում ուժեղացված ծառայություն իրականցրած Դիլիջանի բաժնի աշխատակիցների և ճանապարհային ոստիկանների տեսադաշտում։ Վարորդը, չենթարկվելով ճանապարհային ոստիկանների՝ մեքենան կանգնեցնելու վերաբերյալ օրինական պահանջներին, դիմել է փախուստի։
Ի վերջո, ոստիկանության ծառայողները հարկադրաբար կանգնեցրել են «Մերսեդեսը» և վարորդին բերման ենթարկել ոստիկանության Դիլիջանի բաժին։ Վանաձորի բնակիչ, 31-ամյա տղամարդը տվել է խոստովանական բացատրություն։
Դեպքի առթիվ ոստիկանության Դիլիջանի բաժնում նախապատրաստված նյութերն ու «Մերսեդեսը» հանձնվել են Մասիսի բաժին, որտեղ կատարվածի հանգամանքները պարզելու ուղղությամբ քննություն է կատարվում։
