09.10.2026 | 10:21
Թուրքմենստանում ընթանում է ԱՊՀ պետությունների ղեկավարների գագաթնաժողովը՝ Նիկոլ Փաշինյանի մասնակցությամբ
Ինչո՞ւ է Գեղարքունիքի մարզպետը պարգևատրել իր աղջկան. մանրամասնում է Գնել Սանոսյանը. ՏԵՍԱՆՅՈՒԹ
Հասարակություն
29.10.2019 | 13:25
Ավելի քան 60 մարդ ստացել է պատվոգիր, և դրանք այն մարդիկ են, որոնք օգնել են ֆորումի կազմակերպչական հարցերում. այս մասին Ազգային ժողովում ասաց Գեղարքունիքի մարզպետ Գնել Սանոսյանը՝ անդրադառնալով իր աղջկա պարգևատրման հարցին։
Մարզպետը տեղեկացրեց, որ երբ մայիսի 11-ին կազմակերպվել էր բիզնես-ֆորում, մոտ 20 ուսանողներ և երեխաներ՝ որպես կամավորներ, օգնել են ֆորումի կազմակերպչական հարցերում և ստացել են պատվոգրեր։
«Նրանք այն երեխաներն են, որոնք անգլերեն գիտեն և դրսից եկած գործարար հյուրերի հետ կարողանում էին շփվել, օգնել։ Այդ 20-ի թվում նաև իմ աղջիկն էր, հիմա բոլոր 20-ին և այլ օգնողներին տվել ենք պատվոգիր։ Եթե համարում եք նորմալ չէ, որ իմ աղջկան տվել ենք, ասեք՝ նորմալ չի։ Այդ մոտեցումները ես կդիտարկեմ ռասիստական։ Եթե 20 երեխա մարդկանց օգնել է, որոնց թվում իմ երեխան է և աննորմալ է, որ իմ երեխային տվել ենք պատվոգիր, ոնց բոլորին, այդ դեպքում ովքեր, որ նման մոտեցում ունեն, ռասիստական մոտեցում ունեն պաշտոնյաների երեխաների նկատմամբ»,- նկատեց մարզպետ Սանոսյանը։
Մանրամասները՝ տեսանյութում։
