17.11.2024 | 14:19
Նոյեմբերի 18-ի երեկոյան ժամերին և 19-ին սպասվում է կարճատև անձրև
Իմ ղեկավարած տարիները Վրաստանի «Ոսկե դարաշրջանն» էր․ Սաակաշվիլի
Քաղաքականություն
29.10.2019 | 13:23
Վրաստանի երրորդ նախագահ Միխեիիլ Սաակաշվիլին իր հերթական ուղիղ եթերներից մեկում հայտարարել է, որ իր ղեկավարած 9 տարիները «Ոսկե դարաշրջան» էին Վրաստանի համար. գրում է aliq.ge-ն:
«Վրաստանը բարձրագույն լիգայի խաղացող էր և նրան դարձրեցին ինչ որ «Ճ» կարգի, ինչ որ երրորդ լիգայի, հետամնաց և չզարգացած երկիր: Վրաստանը պատժվեց, քանի որ ուներ հաջողությունը և զարգանում էր արագ»,- հայտարարել է Սաակաշվիլին:
Նրա խոսքով, «Միացյալ ազգային շարժման» իշխանության 9 տարիները կարելի է համեմատել միայն Գեորգի V Փայլունի և Դավիթ Շինարարի դարաշրջանների հետ:
Նա նշել է, որ 9 տարվա զարգացման գլխավոր դերը պետք է ունենար Լազիկա քաղաքն ու համանուն նավահանգիստը: Նախկին նախագահի խոսքով, եթե 2013 թվականին նա լիներ Վրաստանի նախագահը այս ծրագրերն ավարտված կլինեին և Վրաստանը 10 անգամ ավելի եկամուտ կունենար:
