10.12.2025 | 23:29
ԱՄՆ Կոնգրես է ներկայացվել 907 ուղղումն ամբողջությամբ չեղյալ համարելու մասին օրինագիծ
Ուղղաթիռով Երևան տեղափոխված հրշեջ-փրկարարի մոտ առկա է մարմնի մակերեսի 40% այրվածք. վիճակը ծայրահեղ ծանր է. ՀՀ ԱՆ
25.10.2019 | 18:25
ՀՀ առողջապահության նախարարությունից տեղեկացնում են, որ Լոռու մարզի Բազումի լեռնաշղթայի անտառներում առաջացած խոշոր հրդեհը մարելու ժամանակ այրվածքներ ստացած հրշեջ-փրկարարը Վանաձորի բժշկական կենտրոնից ուղղաթիռով տեղափոխվել է ՀՀ ԱՆ Այրվածքաբանության ազգային կենտրոն: Նա գտնվում է վերակենդանացման բաժանմունքում:
«Տուժածի մոտ առկա է մարմնի մակերեսի 40% այրվածք` գլուխ, ստորին և վերին վերջույթներ, նաև` 10% վերին շնչուղիների: Նրա առողջական վիճակը բժիշկները գնահատում են ծայրահեղ ծանր: Իրականացվում են անհրաժեշտ միջոցառումներ:
Նշենք, որ առողջապահության նախարար Արսեն Թորոսյանի հանձնարարությամբ աշխատանքները համակարգում է նախարարի տեղակալ Լևոն Հակոբյանը»,- ասված է հաղորդագրությունում:
Հիշեցնենք, որ Բազումի լեռնաշղթայի անտառներում առաջացած խոշոր հրդեհը մարելիս մյուս հրշեջ-փրկարարը՝ Սամվել Դ.-ն ( ծնված 1997 թ.), տեղում մահացել է:
