02.11.2024 | 10:07
ՀՀ տարածքում ավտոճանապարհներն անցանելի են
«Համակարգային կոռուպցիայի վարչական հիմքերը վերացած չեն, բայց էապես թուլացած են». Վարուժան Հոկտանյան. ՏԵՍԱՆՅՈՒԹ
24.10.2019 | 12:38
Եթե սուբյեկտիվորեն նայենք, ես կարող եմ ասել հետևյալը՝ վարչական, ոչ տնտեսական հիմքերը՝ համակարգային կոռուպցիայի, կարծես թե, եթե ոչ վերացած, ապա էապես թուլացած են։ Այս մասին լրագրողների հետ հանդիպման ժամանակ ասաց «Թրանսփարենսի Ինթերնեյշնլ» հակակոռուպցիոն կենտրոնի ծրագրերի համակարգող Վարուժան Հոկտանյանը։
«Եթե նայում ենք կոռուպցիոն իրավիճակին, ապա այն, ինչ տեղի ունեցավ անցյալ տարվա ապրիլ-մայիս ամիսներին, մի մասը դա անվանում է իշխանափոխություն, մի մասը՝ հեղափոխություն, այդ իրադարձությունների արդյունքում Հայաստանում, իմ կարծիքով, ստեղծվեցին շատ լուրջ նախապայմաններ առաջին հերթին դուրս գալու այն իրավիճակից, որում գտնվում էր Հայաստանը որպես համակարգային կոռուպցիայով երկիր։ Ստեղծվեցին լուրջ նախապայմաններ՝ ձերբազատվելու համակարգային կոռուպցիայից»,- նկատեց Վարուժան Հոկտանյանը։
Վերջինս տեղեկացրեց, որ 2020 թվականի հունվարին 2019 թվականի՝ «Թրանսփարենսի Ինթերնեյշնլ»-ի համաթիվը կհրապարակվի, ու մենք կտեսնենք՝ առաջընթաց կա, թե՝ ոչ։
Մանրամասները՝ տեսանյութում։
