ՀՀ կառավարությունը գտնում է, որ նախագծի ընդունման անհրաժեշտությունը բավարար հիմնավորված չէ։ Այս մասին Ազգային ժողովում իր ելույթում, անդրադառնալով «Իմ քայլը» խմբակցության պատգամավոր Վարազդատ Կարապետյանի կողմից ներկայացված «Սևանա լճի էկոհամակարգի պահպանման, վերարտադրման և օգտագործման միջոցառումների տարեկան և համալիր ծրագիրը հաստատելու մասին» օրենքի նախագիծը հաստատելու մասին հարցին, ասաց Ջրային կոմիտեի նախագահ Վարդան Մելքոնյանը։
Վերջինս նկատեց, որ այսօրվա տվյալներով՝ Սևանի մակարդակը 6 սմ-ով բարձր է նախորդ տարվանից։
«Սեպտեմբերի 25-ից մինչև հոկտեմբերի 15-ը մենք ջրառ չենք իրականացրել։ Այս ընթացքում, միևնույն է, լճի մակարդակը 4 սմ-ով նվազել է։ Հիմա նույնիսկ այս ջրառի պայմաններում 3-րդ օրն է՝ ջուր ենք վերցնում, բայց նիշը չի իջնում, այնպես որ տարօրինակ է այդ մակարդակի բարձրացում-իջեցումը»,- ներկայացրեց Ջրային կոմիտեի նախագահը։
Մանրամասները՝ տեսանյութում։
