29.04.2024 | 11:10
Ալիևի ներկայացուցիչը հայտարարել է, թե «Հայաստանի հետ թշնամանքին վերջ տալու հիանալի հնարավորություն կա»
2020 թ. բյուջեում մի քանի անգամ ավելի շատ գումարներ են դրվել Սևանի մաքրման համար. նախարար. ՏԵՍԱՆՅՈՒԹ
Տնտեսություն
17.10.2019 | 13:50
Կառավարությունը հանձնարարել է Սևանա լճի ափամերձ երեք մեծ քաղաքներում մաքրման աշխատանքներ իրականացնել: Այս մասին Կառավարության նիստից հետո լրագրողների հետ զրույցում նշեց շրջակա միջավայրի նախարար Էրիկ Գրիգորյանը:
Նրա խոսքով՝ այս տարի մաքրման ենթակա անտառամերձ տարածքի ծավալը մեծացվել է. «2020 թվականի բյուջեում մի քանի անգամ ավելի շատ գումարներ են դրվել մաքրման համար: Հրավիրել ենք միջազգային փորձագետների, որոնք որոշակի լուծումներ են առաջարկել: Ակադեմիային է գումար հատկացվել, որ մաքրման տարբերակ ներկայացվի: Փորձաքննությունների մասին օրենքի վերանայումից հետո հայտարարություն կարվի, որ Սևանին հարակից տարածքների բոլոր ռեստորաններին կտրվի ժամանակ, որը կլինի մինչև սեզոնի սկիզբը, որպեսզի բոլորը տեղադրեն մաքրման կայաններ»:
Ինչ վերաբերում է լճի ծաղկմանը, Էրիկ Գրիգորյանն ասաց, որ միջազգային փորձագետները որպես պատճառ նշել են օրգանական նյութերի, ֆոսֆորային նյութերի մուտքը, որը գալիս է համայնքներից, գյուղատնտեսությունից, անտառամերձ շերտից, ռեստորանային համալիրներից:
«Սևանի խնդրի լուծումը կեղտաջրերի մուտքի նվազեցումն է և մակարդակի բարձրացումը»,- ընդգծեց նա:
Մանրամասները՝ տեսանյութում:
Նարեկ Կիրակոսյան
