17.11.2024 | 23:31
Պաշտոնանկություններ կառավարությունում․ 2 նախարար, ուժային կառույցների ղեկավարներ ու ՊԵԿ նախագահն ազատման դիմում են ներկայացրել
Իրանը պահանջել է թուրքական ուժերը դուրս բերել Սիրիայի տարածքից
Քաղաքականություն
10.10.2019 | 16:34
Իրանի ԱԳ նախարարությունը Թուրքիայից պահանջել է դուրս բերել զորքերը Սիրիայից և դադարեցնել հարձակումները արաբական հանրապետության տարածքում: Այս մասին գրում է ՌԻԱ Նովոստին:
«Իրանի ԱԳՆ-ն, մտահոգություն հայտնելով Սիրիայի տարածքում Թուրքիայի ռազմական գործողությունների կապակցությամբ, հաշվի առնելով հումանիտար իրադրության լրջությունը և բախումների շրջանում գտնվող քաղաքացիների համար առկա վտանգը՝ ընդգծում է հարձակումներն անհապաղ դադարեցնելու և Սիրիայի տարածքից թուրք զինվորականներին դուրս բերելու կարևորությունը»,- ասված է Իրանի ԱԳՆ հաղորդագրության մեջ:
Թեհրանում նաև ընդգծել են, որ Թուրքիայի ռազմական գործողությունները հանգեցնելու են Սիրիայում նյութական և հումանիտար մեծ վնասների: Ըստ ԱԳՆ-ի՝ Իրանը հասկանում է Թուրքիայի մտահոգությունը սեփական անվտանգության համար, բայց չի կարելի այն ապահովել ռազմական ճանապարհով:
Իրանի ԱԳՆ-ն հավելել է նաև, որ իրադրությունը հնարավոր է լուծել խաղաղ ճանապարհով՝ միայն Սիրիայի տարածքային ամբողջականությունը հարգելով:
