04.08.2026 | 16:47
Վանաձոր և Գյուլագարակ համայնքներին է վերադարձվել 12 հողատարածք․ Գլխավոր դատախազություն
Կարեն Վարդանյանն առաջին հայն է, ով արժանացավ «Eminent Persons Award» մրցանակին
Հասարակություն
09.10.2019 | 15:45
Առաջատար տեխնոլոգիաների ձեռնարկությունների միության (ԱՏՁՄ) գործադիր տնօրեն Կարեն Վարդանյանը Տեղեկատվական տեխնոլոգիաների և ծառայությունների համաշխարհային դաշինքի (WITSA) կողմից ստացել է «Ականավոր մարդկանց մրցանակ» («Eminent Persons Award») ՝ արձանագրելու նրա երկարամյա անգնահատելի ավանդը հայկական տեխնոլոգիական ոլորտի զարգացման գործում:
«Ականավոր մարդկանց մրցանակ» տրվում է այն անհատներին, ովքեր նշանակալի ու խորքային ավանդ են ունեցել մարդկանց կյանքը բարելավելու ուղղությամբ։ Հատկանշական է, որ մրցանակակրին որոշելիս պարտադիր պայման չէ, որ վերջինիս գործունեությունը կապված լինի տեխնոլոգիական ոլորտի հետ:
Այս հեղինակավոր մրցանակին տարբեր տարիների արժանացել են Նելսոն Մանդելան, Մայք Լազարատիսը, համացանցի ստեղծման ակունքներում կանգնած Ռոբերտ Խանն ու Վինտոն Սերֆը:
ՏՏ ոլորտում Կարեն Վարդանյանի 30-ամյա գործունեության արդյունքում իրականացվում են մի շարք աչքի ընկնող ու արդեն հիմնարար դարձած նախագծեր, ինչպիսիք են ԴիջիԹեք տեխնոլոգիական ցուցհանդեսն ու «Արմաթ» կրթական նախագիծը։ Վերջինիս շնորհիվ Հայաստանի, Արցախի և Վրաստանի տարածքում գործում են 280-ից ավելի «Արմաթ» ինժեներական լաբորատորիաներ, որտեղ ավելի քան 7500 երեխա ստանում է անվճար ինժեներական կրթություն։
Նշենք, որ Տեղեկատվական տեխնոլոգիաների և ծառայությունների համաշխարհային դաշինքն ամեն տարի անցկացվող Տեղեկատվական տեխնոլոգիների համաշխարհային համաժողովի հիմնադիրն է: ՏՏԾՀԴ-ի անդամներն են ավելի քան 80 երկրներ ու ասոցիացիաներ, որոնք կազմում են աշխարհի ՏՏ շուկայի ավելի քան 90 տոկոսը։ Երևանում համաժողովին մասնակցում է ավելի քան 4000 մասնակից 70 երկրից։
