15.12.2025 | 19:50
89 վարորդ տուգանվել է վարելիս նվագարկչի՝ ստանդարտին չհամապատասխանող լրացուցիչ ուժեղացուցիչներ օգտագործելու համար
«Թույլ չտալ նախկին իշխանությունների կոպիտ սխալները». պրոֆեսոր Մարկոսյանը՝ վարչապետին. ՏԵՍԱՆՅՈՒԹ
Հասարակություն
09.10.2019 | 11:55
«Տնտեսական հեղափոխությունը չի վերաբերում նաև տնտեսակարգի փոփոխությանը, դա մարդկային գիտակցության փոփոխություն պետք է լինի, որպեսզի կարողանանք հասնել հաջողության։ Տնտեսական հեղափոխությունը պետք է լինի ներառական։ Շատ քիչ է ուսումնասիրված հեղափոխության ազդեցությունը սոցիալ-տնտեսական պրոցեսների վրա»,- տնտեսական հեղափոխությանը նվիրված խորհրդաժողովում այս մասին ասաց պրոֆեսոր Աշոտ Մարկոսյանը։
Ըստ նրա՝ 2017 թվականի դրությամբ՝ Հայաստանի ՀՆԱ-ն չի հասել 2008 թվականի մակարդակին. «Մեր երկիրը ՀՆԱ-ի բնութագրմամբ գտնվել է տնտեսական ճգնաժամի մեջ»։
Աշոտ Մարկոսյանը կարևորում է ԱԺ-ի կողմից նվազագույն աշխատավարձի շեմի բարձրացումը, ինչն աղքատության դեմ պայքարում կարևորագույն գործիքակազմերից է:
«Եթե նայենք վերջին տասը տարվա ցուցանիշները, առաջին դեցիլային խումբը, որ ամենաաղքատն է, նրա տեսակարար կշիռն ավելի է նվազել։ Սա սոցիալական քաղաքականության կոպիտ սխալներից է։ Բնակչության անապահով խավերը դառնում են պետության թշնամիներից մեկը»,- նշեց տնտեսագետը:
Նա Կառավարությանը կոչ արեց թույլ չտալ նախկին իշխանությունների կոպիտ սխալները, որոնք բերել են ներկա իրավիճակին։
Մանրամասները՝ տեսանյութում:
Ռոբերտ Անանյան
