04.08.2026 | 23:29
Չժաո Լեցզին շնորհավորել է Ռուբեն Ռուբինյանին ԱԺ նախագահ ընտրվելու կապակցությամբ
«Մեկնարկում է «Հայկական վիրտուալ կամուրջ» նախագիծը». Հակոբ Արշակյան. ՏԵՍԱՆՅՈՒԹ
Տնտեսություն
08.10.2019 | 16:42
70 երկրից ժամանած մեր հյուրերին զարմացրել էր այն ամենը, ինչին մենք առօրյայում սովոր ենք: Սա մեզ հույս է տալիս, որ Հայաստանում տնտեսական հեղափոխություն իրականացնենք և դառնանք տեղեկատվական տեխնոլոգիաների կենտրոն: Այս մասին այսօր՝ WCIT 2019-ի շրջանակում հրավիրված ասուլիսի ընթացքում նշեց Բարձր տեխնոլոգիական արդյունաբերության նախարար Հակոբ Արշակյանը:
«Սա հնարավորություն է տալիս ոչ միայն հայազգի, այլև օտարազգի ձեռներեցներին՝ գալ Հայաստան և գտնել այն տեղը, որտեղ արագ ու կտրուկ զարգացում կունենան»,- ընդգծեց Հակոբ Արշակյանը:
Նախարարի խոսքով՝ համաձայնագիր է կնքվել Սիլիկոնյան հովտի մի քանի ընկերության հետ՝ «Հայկական վիրտուալ կամուրջ» նախագծի շրջանակում:
«Նախագիծը Հայաստանի և Սիլիկոնյան հովտի միջև ցանց կստեղծի ու լայն հնարավորություններ կընձեռի ձեռներեցների, աստղերի և բլոգերների համար»,- ասաց նախարարը:
Նրա խոսքով՝ առաջիկայում հնարավոր է նաև ՏՏ ոլորտի կառավարիչների ամենամյա մրցանակաբաշխությունը Սիլիկոնյան հովիտ տեղափոխվի:
Մանրամասները՝ տեսանյութում:
Նելլի Մելքոնյան
