17.11.2024 | 15:00
Չինաստանում ուսանողը քոլեջում հարձակում է գործել․ սպանվել է 8 մարդ
Իրանն առաջինը պատերազմ չի սկսի. Զարիֆ
Քաղաքականություն
24.09.2019 | 15:48
Իրանն առաջինը պատերազմ չի սկսի, բայց եթե հարձակման ենթադրկվի, կպաշտպանվի: ԻՌՆԱ-ի հաղորդմամբ՝ այս մասին հայտարարել է Իրանի ԱԳ նախարար Մոհամմադ Ջավադ Զարիֆը:
«Մենք բազմիցս ասել ենք, նույնիսկ գրավոր հաղորդագրությամբ հայտարարել ենք, որ եթե ԱՄՆ-ն պատերազմ սկսի, անկասկած՝ չի կարողանա այն ավարտել»,- CNN-ին տված հարցազրույցում ասել է Զարիֆը՝ հավելելով, որ պատերազմից խուսափելը դիվանագետների խնդիրն է, և ինքն էլ դա անում է:
Հերքելով Aramco սաուդյան նավթային օբյեկտների վրա հարձակմանն Իրանի մասնակցության մասին պնդումները՝ Մոհամմադ Զարիֆն ընդգծել է, որ այդ մասին ոչ մի փաստ չկա:
«Եթե մենք լինեինք դրա հետևում, դա աղետ կլիներ Սաուդյան Արաբիայի համար»,- ասել է Իրանի ԱԳ նախարարը:
Երկխոսության հնարավորության մասին հարցին էլ Զարիֆը պատասխանել է. «Ես, որպես դիվանագետ, միշտ ասում եմ, որ դիվանագիտության համար նոր հնարավորություններ կան»:
Դիվանագետի խոսքով՝ ներկայում Իրանի և ԱՄՆ-ի միջև բանակցությունների ճանապարհին լուրջ սահմանափակումներ կան: «Կան մարդիկ, որոնք նախագահ Թրամփին առաջարկում են փակել Իրանի հետ դիվանագիտության դռները՝ ինչպես նախագահի պաշտոնում, այնպես էլ այդ ժամկետի ավարտից հետո»,- հավելել է նա:
