06.10.2026 | 12:01
Հաքերները Դանիայում հասանելիություն են ստացել 8,8 միլիոն մարդու տվյալներին
Ե՞րբ են համալրվելու ԿԲ ոսկու պաշարները․ Արտակ Մանուկյանը՝ ԿԲ խորհրդի անդամին
Տնտեսություն
12.09.2019 | 15:37
Ազգային ժողովում այսօր քննարկվում է Կենտրոնական բանկի խորհրդի անդամի թեկնածության հարցը։ Նշենք, որ այդ պաշտոնի համար ԱԺ ֆինանսավարկային և բյուջետային հարցերի մշտական հանձնաժողովն առաջարկել է Հասմիկ Ղահրամանյանի թեկնածությունը։
ԱԺ «Իմ քայլը» խմբակցության պատգամավոր Արտակ Մանուկյանը թեկնածուից հետաքրքրվեց՝ երբ է Կենտրոնական բանկն ավելացնելու ոսկու պաշարները։
«Բազմիցս խոսվել է, որ Կենտրոնական բանկը համալրելու է ոսկու պաշարները։ Ես նայել եմ ԿԲ ոսկու պաշարները, մինչև այսօր չի համալրվել։ Ե՞րբ է լինելու այդ դրական մեսիջը, որով մենք կկարողանանք խոսքից անցնել գործի։ Այն, ինչ ասում եմ, չեմ ուզում՝ դուք հիմա պատասխանեք, ցանկանում եմ, որ երբ ընտրվեք սրա մասին մտածեք և ապագայում մանրամասն հաշվետվություն ներկայացնեք»,- ասաց Մանուկյանը։
Արտակ Մանուկյանը մատնանշեց իր կողմից ԿԲ-ի գործունեության վերաբերյալ մի շարք մտահոգություններ ևս, ընդգծեց, որ չի նկատի Աննա Ղահրամանյանի մասնագիտական գործունեության վրա նրա ամուսնու՝ նախկին փոխվարչապետ Վաչե Գաբրիելյանի ազդեցությունը ինչպես վերջինս հավաստիացնում է, և հավելեց՝ կողմ է քվեարկելու նրա թեկնածությանը։
