02.11.2024 | 12:34
Հայաստանը Չեխիայում ռազմական կցորդ ունի
Փաշինյանը պիտի հասկանա՝ ինչպիսի ռումբ է դրված այս գործընթացի ընդերքում. Արման Բաբաջանյան. ՏԵՍԱՆՅՈՒԹ
11.09.2019 | 20:14
Խորապես համոզված եմ, որ Հայաստանի նոր իշխանությունները որևէ պարտավորություն չունեին նախորդ հանցավոր ռեժիմի կողմից «Լիդիան»-ին տրված լիցենզիայի համար պատասխանատվություն կրել: Factor.am-ի հետ զրույցում ասաց Ամուլսարի հանքի շահագործման դեմ քայլերթին մասնակցող ՀՀ Ազգային ժողովի պատգամավոր Արման Բաբաջանյանը:
«Մենք դեռ քաղաքական գնահատական տալու շանս ունենք, առհասարակ քսանամյա այդ ռեժիմին, որի՝ «Լիդիան»-ին հատկացված բաժինը կարող է շատ հանգիստ, իրավաքաղաքական գնահատականներ տալու դեպքում, հետևանքներ ունենալ, և մենք կարող ենք բոլորովին այլ իրավիճակ ունենալ: Կարծում եմ՝ այն պնդումները, որ Հայաստանը չի կարող միջազգային պարտավորություններ, արբիտրաժ և այլն… դրանք որևէ հիմնավոր բացատրության չեն ենթարկվում»,- ասաց պատգամավորը:
Նրա խոսքով՝ վաղ թե ուշ իշխանությունը պետք է հետ կանչի Ամուլսարը հանք դարձնելու որոշումը: «Բայց ես շատ կուզեմ, որ դա արվի առանց ցնցումների, որպեսզի իշխանությունը դրանից չթուլանա»,- ասաց Բաբաջանյանը:
Հարցին՝ ցնցումներից խուսափելու ի՞նչ տարբերակներ կան, Արման Բաբաջանյանը պատասխանեց. «Ջերմուկցիների ձայնը պետք է լսված լինի, և այստեղ երկու կարծիք չի կարող լինել: Եվ Հայաստանի իշխանությունները, Կառավարությունը, անձամբ Նիկոլ Փաշինյանը, որն անձնական պատասխանատվություն է ստանձնել այս գործընթացի, դրա ելքի համար, պիտի ուղղակի հասկանա, թե ինչպիսի ռումբ է դրված այս գործընթացի ընդերքում»:
Մանրամասները՝ տեսանյութում:
