15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
«Մի հատ կարգի հրավիրվեք». միջադեպ Երևանի ավագանու նիստի ժամանակ. ՏԵՍԱՆՅՈՒԹ
10.09.2019 | 15:55
Երևանի ավագանու այսօրվա նիստի ժամանակ միջադեպ տեղի ունեցավ: «Լույս» խմբակցության անդամ Անի Խաչատրյանը նշեց, որ խմբակցությունով այցելել են «Թափառող կենդանիների վնասազերծման» ՀՈԱԿ, բարձրաձայնել են խնդիրներ:
Ըստ Խաչատրյանի՝ ՀՈԱԿ-ի տնօրեն Արմեն Բեգոյանը շատ ջղաձիգ է արձագանքել: Ավագանու անդամի խոսքով՝ Նոր Հայաստանի կադրերի քայլերը միտված չեն նոր Հայաստան կառուցելուն:
«Պահանջում եմ, որ կարգի հրավիրեք իրենց լիազորությունների սահմանները չճանաչող Ձեր կադրերին: Այս դեպքում խոսքը «Թափառող կենդանիների վնասազերծման» ՀՈԱԿ-ի տնօրեն Արմեն Բեգոյանի մասին է, ուկմ լույսը խավարով է պատվել ու որի խավարը դժվար թե լույս առկայծի: Սա, ի դեպ, նրա ֆեյսբուքյան գրառումից մի հատված է»,- ասաց Անի Խաչատրյանը:
Արձագանքելով՝ Արմեն Բեգոյանն ասաց, որ Անի Խաչատրյանը ցեխ է շպրտում այն կառույցների վրա, որոնք դրական ցուցանիշներ են ապահովում:
«Նրանք վիրահատության պահին ներխուժել են վիրահատարան, իսկ այդ դեպքում խոսել սանիտարական խնդիրներից՝ անընդունել է: Փողոցային հագուստով ներխուժել են, վիրավորել են բժիշկներին»,- ասաց նա:
ՀՈԱԿ-ի տնօրենին ի պատասխան՝ Անի Խաչատրյանն ասաց, որ կառույցի աշխատակիցները ևս «փողոցային հագուստով էին»: Այնուհետ Անի Խաչատրյանը Արմեն Բեգոյանին հորդորեց «կարգի հրավիրվել»:
Մանրամասները՝ տեսանյութում:
Նարեկ Կիրակոսյան
