06.10.2026 | 22:00
Ինչո՞ւ ՌԴ-ն չօգնեց ՀՀ-ին, ի՞նչ եղավ Արցախի հետ․ զրույց Արմեն Գրիգորյանի հետ՝ պաշտոնը թողնելուց հետո․ ՏԵՍՆՅՈՒԹ
15 տարվա խնդիր է, երկու տարում կլուծենք. Հայկ Մարությանը՝ տրանսպորտի խնդրի մասին. ՏԵՍԱՆՅՈՒԹ
Տնտեսություն
10.09.2019 | 14:37
Երևանի տրանսպորտային խնդիրը կարգավորվելու է երկու տարվա ընթացքում: Այս մասին լրագրողների հետ զրույցում ասաց Երևանի քաղաքապետ Հայկ Մարությանը, երբ հետաքրքրվեցինք, թե վերջին անգամ երբ է օգտվել հասարակական տրանսպորտից:
«Ես նույն քանակությամբ եմ նստում տրանսպորտ, ինչ նախկինում: Չեմ ասի, որ դա շատ հաճախ է, բայց նաև շատ հազվադեպ չէ: Ես գիտեմ, որ տրանսպորտի խնդիր կա, դա 15 տարվա խնդիր է: Տեղյա՞կ եք, ես էլ եմ տեղյակ: Երկու տարում խնդիրը լուծելու ենք, գործընթացը գնում է»,- ասաց նա և նշեց, որ Կառավարությունն այդ նպատակով վարկ է վերցնելու:
Երկու տարի առաջ Նիկոլ Փաշինյանը, երբ «Ելք» դաշինքի քաղաքապետի թեկնածուն էր, հայտարարում էր, որ Երևանի հաշվեկշռում կա 250 ավտոբուս, որոնք երթուղի դուրս չեն գալիս, որ պաշտոնյաների «գործին չխփեն», բայց եթե շահագործվեն, Երևանում տրանսպորտի խնդիրը կլուծվի:
Քաղաքապետից հետաքրքրվեցինք՝ ինչո՞ւ այդ ավտոբուսները չեն շահագործվում: «249 ավտոբուսի մասին է խոսքը, բոլոր ավտոբուսներն այդ ուղղությամբ աշխատում են: Մեզ անհրաժեշտ է 800 ավտոբուս»,- ասաց քաղաքապետը:
Մանրամասները՝ տեսանյութում:
Նարեկ Կիրակոսյան
