09.10.2026 | 23:47
Վրաստանում սպանության համար հետախուզվող է հայտնաբերվել. ՀՀ և Վրաստանի ՆԳՆ-ների համագործակցության արդյունքը
Եթե այս զինվորն ու դեպքը իրական են, ապա հստակ տեղը նշելու դեպքում ՀՀ ՊՆ-ն կպարգևատրի այդ զինվորին. Արծրուն Հովհաննիսյանը՝ հացի մեջ միջատ գտած զինվորի հրապարակման մասին
10.09.2019 | 11:28
ՀՀ ՊՆ մամուլի խոսնակ Արծրուն Հովհաննիսյանը ֆեյսբուքյան գրառմամբ անդրադարձել է հացի մեջ միջատ գտած զինվորի գրառմանն ու հրապարակած լուսանկարին:
«Մի տեսակ շա՞տ չի հացը սպիտակ ու թարմ, կամ միջատը ի՞նչու հացի մեջ չի այլ կեղևին կանգնած։
Հարգելիներս ցանկացած բանակում սա կարող է լինել։ Եթե այս չափազանց անհաջող բեմականացումը իրական է, որը շատ կասկածելի է, ապա դա կրկին հաստատում է այն միտքը, որ զինվորական ճաշարանները պետք է անցում կատարեն նոր սննդակարգին։
Եթե այս զինվորն ու դեպքը իրական են, ապա հստակ տեղը նշելու դեպքում ՀՀ ՊՆ-ն կպարգևատրի այդ զինվորին»,- գրել է նա:
Հիշեցնենք, որ Tert.am-ը լուսանկար ու զինվորի գրառում էր հրապարակել, ըստ որի, զինվորը հացի միջից միջատ էր գտել ու դիմել ՀՀ վարչապետին: «Հացի մեջ միջատ և օրեր շարունակ կարտոֆիլի վատ պյուրե, ահա թե ինչպես է իրականում Նոր Հայաստանը կերակրում իր զինվորներին, պարո՛ն վարչապետ: Այժմ այն զորամասում, որտեղ ես եմ ծառայում, կան բավականին մեծ թերություններ, որոնց ոչ մեկ ուշադրություն չի դարձնում: Արդեն 10 օր է՝ նախաճաշին և ընթրիքին տալիս են շատ վատ կարտոֆիլի պյուրե, որի միջից մեկ անգամ էլ միջատ ենք հանել: Հացի մեջ նույնպես գտանք այդ միջատից, ինչն էլ նկարեցի։ Զինվորներին տրամադրված գուլպաներն ու ներքնաշորերը ոչ լիարժեք է բաժանվում և տեղյակ չենք, թե որտեղ են դրանք»,- լուսանկարներին կից նշել էր զինծառայողը:
