16.12.2025 | 19:13
Հայաստանի Սահմանադրությունը պետք է համապատասխանեցվի նախաստորագրված խաղաղության համաձայնագրին. Ալիևի ներկայացուցիչ
Վանեցյանի միջնորդությամբ Սամվել Բաբայանը և Արայիկ Հարությունյանը հանդիպել են․ մանրամասներ․ ՏԵՍԱՆՅՈՒԹ
Քաղաքականություն
06.08.2019 | 15:42
Արցախի «Ազատ հայրենիք» կուսակցության նախագահ Արայիկ Հարությունյանն այսօր՝ օգոստոսի 6-ին Ստեփանակերտում լրագրողների հետ հանդիպման ժամանակ, ի թիվս այլ հարցերի, անդրադարձել է նաև իր և Սամվել Բաբայանի հանդիպման վերաբերյալ մամուլի հրապարակումներին։
-Պարո՛ն Հարությունյան, վերջերս մամուլից տեղեկացանք, որ ՀՀ ԱԱԾ տնօրենի միջնորդությամբ Ձեր և Սամվել Բաբայանի միջև եռակողմ հանդիպում է տեղի ունեցել: Եթե այդ տեղեկությունը համապատասխանում է իրականությանը, խնդրում ենք հանրությանն ասեք՝ ի՞նչ եք պայմանավորվել այդ հանդիպման ժամանակ:
– Որևէ պայմանավորվածություն տեղի չի ունեցել: Եթե պատահական հիմա դուրս գանք, այստեղ երկու հոգի միասին զրուցենք, դա չի նշանակում, որ պայմանավորվածություն կա։
– Զրուցե՞լ եք ուղղակի։
– Եկեք ես իմ բոլոր հանդիպումների մասին, թե ում հետ երբ եմ հանդիպել, չներկայացնեմ։ Կոնկրետ որևէ պայմանավորվածություն, համաձայնություն չի եղել և չի քննարկվել ընդհանուր առմամբ։ Մենք ի վիճակի ենք ինքնուրույն նստել, դրա կարիքը չկա, որ ՀՀ ԱԱԾ պետը գա, և մենք երկուսով նստենք։ Ես էլ հնարավորություն ունեմ Սամվել Բաբայանի հետ… Սամվել Բաբայանը՝ Վիտալի Բալասանյանի հետ։ Եթե անհրաժեշտություն լինի, կարող ենք կա՛մ այս նույն հյուրանոցում, կա՛մ այլ սրճարանում, կա՛մ գրասենյակում հանդիպել և զրուցել։ Ես հաճախակի հանդիպում եմ Աշոտ Ղուլյանի, Վիտալի Բալասանյանի հետ։
– Իսկ Սամվել Բաբայանի հե՞տ։
– Վերջերս մեկ-երկու անգամ, պատահական հանդիպել ենք, զրուցել ենք: Եթե փողոցում տեսնում ենք, բարևում ենք, եթե սրճարանում տեսնում ենք, զրուցում ենք։
– Ձեր մեջ լարվածություն չկա՞։
– Ես ոչ մեկի հետ լարվածություն չունեմ։
Մանրամասները՝ տեսանյութում։
Ռոբերտ Անանյան
