07.06.2026 | 10:16
Գործարարը Չինաստանից Մոսկվայով վերադառնալուց հետո ծանուցագիր է ստացել վարժական հավաքների մասնակցելու վերաբերյալ
Ոստիկանությունը բացահայտել է հանցագործության 83 դեպք
06.08.2019 | 14:20
ՀՀ ոստիկանության տարբեր ստորաբաժանումների կողմից բացահայտվել է հանցագործության 83 դեպք, 6-ը՝ նախկինում կատարված։ Այս մասին հայտնում է ոստիկանության լրատվության ծառայությունը։
Անձնական ունեցվածքի գողության՝ 15, թմրամիջոցի հայտնաբերման՝ 13, խարդախության՝ 10, մարմնական վնասվածք հասցնելու՝ 9, փաստաթղթի կեղծիքի եւ դրա օգտագործման՝ 6, յուրացման կամ վատնման եւ պաշտոնեական լիազորությունների չարաշահման՝ 4, կաշառակերության ու ինքնավնասման՝ 2, մահվան ելքով մարմնական վնասվածք հասցնելու, բնակարանային գողության, շորթման, ապօրինի կամ կեղծ ձեռնարկատիրության, զենք-զինամթերքի առգրավման, խաբեությամբ գույքային վնաս պատճառելու, սպանության սպառնալիքի, սեքսուալ բնույթի բռնի գործողություններ կատարելու, ծեծի, պետական սահմանը ապօրինի հատելու, ապօրինի զենքի կիրառման ու աշխատանքի պաշտպանության կանոնների խախտման՝ 1 դեպք:
Հայտնաբերվել է 1 անհետ կորած եւ 6 հետախուզվող, կամավոր ներկայացել է 1-ը։
Գրանցվել է զենք-զինամթերքի կամավոր հանձնման 1 դեպք։
Նախկինում կատարված հանցագործություններից բացահայտվել է անձնական ունեցվածքի գողության 4 եւ բնակարանային գողության 2 դեպք:
Անցած 1 օրվա ընթացքում հանրապետությունում արձանագրվել է ճանապարհատրանսպորտային 16 պատահար, ինչի հետեւանքով 1 մարդ զոհվել է, 19-ը՝ ստացել տարբեր աստիճանի մարմնական վնասվածքներ:
