23.11.2024 | 20:00
Չի ներկայացվել գույքի և ունեցվածքի 509 հայտարարագիր՝ 4 տարում․ ի՞նչ է սպասվում օրինախախտներին. ՔՆՆԱՐԿՈՒՄ
Ապատեղեկատվություն է, հայ-ադրբեջանական սահմանին փոխհրաձգություն չի եղել. Արծրուն Հովհաննիսյան
Քաղաքականություն
18.07.2019 | 13:46
Հայ-ադրբեջանական սահմանին գիշերը փոխհրաձգություն տեղի չի ունեցել: Factor.am-ի զրույցում այս մասին ասաց ՀՀ ՊՆ խոսնակ Արծրուն Հովհաննսիյանը՝ ադրբեջանական կողմի տարածած լուրերն ապատեղեկատվություն որակելով:
«Հերքում եմ տարածված տեղեկությունը, թե հայ-ադրբեջանական սահմանին փոխհրաձգություն է եղել: Նման բան չկա»,- ասաց Արծրուն Հովհաննիսյանը:
Նա հավելեց, որ իրավիճակը հանգիստ է և՛ հայկական, և՛ ադրբեջանական կողմում:
Նշենք, որ ադրբեջանական լրատվամիջոցները տեղեկություն էին տարածել, թե կեսգիշերն անց հայկական կողմը խախտել է հրադադարի ռեժիմը՝ Նոյեմբերյանի շրջանի Զորական կողմից խոշոր տրամաչափի սպառազինությունից կրակ բացելով ադրբեջանական դիրքերի ուղղությամբ, ինչի հետևանքով ադրբեջանցի սահմանապահ է վիրավորվել:
