08.12.2025 | 12:38
ՔԿԾ պետ Ծովինար Թադևոսյանի ճեպազրույցը. ՈՒՂԻՂ
«Հայկ Սարգսյանի մանդատի հարց պիտի բարձրացվի»․ Մարգարիտ Եսայան. ՏԵՍԱՆՅՈՒԹ
Քաղաքականություն
08.07.2019 | 16:56
Պետք է պարզել՝ որտեղ էր երկրի նախագահը, ով է իջեցրել անցաթուղթը, որ այդ անձինք մտնեն նախագահական: Այսօր լրագրողների հետ հանդիպմանն ասաց ՀՀԿ-ական նախկին պատգամավոր Մարգարիտ Եսայանը՝ անդրադառնալով լրատվամիջոցներից մեկի հրապարակմանը, ըստ որի՝ պատգամավոր Հայկ Սարգսյանը մի քանի անձանց հետ նախագահական նստավայրում էքսկուրսիա է կազմակերպել, ընդունելությունների սրահում նստել նախագահի համար նախատեսված աթոռին, լուսանկարվել ու տարածել դրանք:
«Ես հիշում եմ՝ և՛ լրագրող, և՛ պատգամավոր աշխատած ժամանակ բավական բարդ էր նախագահական նստավայր անցնել՝ հազար ու մի անցաթղթի ճանապարհով էիր անցնում: Հիմա պետք է պարզել՝ որտեղ էր երկրի նախագահը, անցաթուղթն ով է իջեցրել, այդ անձինք ինչ նպատակով են մտել երկրի նախագահի նստավայր»,- ասաց նա:
Ըստ Մարգարիտ Եսայանի՝ այստեղ երկրի և, առհասարակ, անվտանգության խնդիր կա. «Կարծում եմ՝ համապատասխան մարմիններն այստեղ գործ ունեն անելու: Այսօրվա իշխանությունները լուրջ վտանգ են ներկայացնում երկրի անվտանգությանը՝ իրենց ամենաթողությամբ, թեթև վերաբերմունքով: Ժամանակն է, որ հասարակությունն իր գնահատականը տա սրան, քաղաքական ուժերը պետք է իրենց գնահատականը տան: Կարծում եմ՝ սրան պիտի հաջորդի նաև երկրի նախագահի պատասխանը կամ պարզաբանումը»:
Նախկին պատգամավորը նաև կարծում է, որ Հայկ Սարգսյանի մանդատի հարց պիտի բարձրացվի:
Մանրամասները՝ տեսանյութում:
